Пара з Віцебска абмянялася ўдарамі малатком у галаву

Спачатку ўдарыла дама.

У Віцебску ў пары сужыцеляў узнік канфлікт з-за алкаголю — яны абмяняліся ўдарамі малатком. Хаця першай агрэсію праявіла жанчына, пад варту ўзялі мужчыну — ён біў мацней, паведамілі ў ўпраўленні Следчага камітэта па Віцебскай вобласці.

Днём 25 лістапада 53-гадовы мужчына і яго 58-гадовая сужыцелька прыйшлі ў кватэру знаёмага і выпівалі там троём. Увечары ўсе леглі спаць, пры гэтым госць паклаў пад падушку бутэльку моцнага алкаголю, каб выпіць яе раніцай.

Прачнуўшыся ўначы, мужчына заўважыў адсутнасць сваёй спадарожніцы і прыпасенай бутэлькі.

«У суседнім пакоі ён убачыў, як каханая самастойна дапівае алкаголь. Паміж парай узнік канфлікт, падчас якога дама нанесла ўдар малатком па галаве сужыцелю. Адабраўшы прыладу, мужчына адказаў тым жа. Яго ўдар аказаўся мацнейшы — пацярпелай нанесены цяжкія цялесныя пашкоджанні», — паведамілі ў УСК.

Жанчыну гаспіталізавалі, фігуранта затрымалі, яму прад’яўлена абвінавачанне па ч. 1 арт. 147 КК (Наўмыснае прычыненне цяжкага цялеснага пашкоджання), цяпер ён пад вартай. Раней прыцягваўся да крымінальнай адказнасці за нявыплату аліментаў і згвалтаванне, на сёння судзімасці пагашаныя.

Вы можаце падтрымаць сайт Charter97.org наступным чынам:

РАЗЛІКОВЫ МУЛЬТЫВАЛЮТНЫ РАХУНАК ДЛЯ АХВЯРАВАННЯЎ:

Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe

Звязацца з намі можна праз адрас [email protected]