Продажы IPhone ўсталявалі рэкорд

Карпарацыя заняла амаль 25% сусветнага рынку.

Карпарацыя Apple заняла рэкордную для сябе долю на рынку смартфонаў. Пра гэта гаворыцца ў справаздачы аналітычнага агенцтва Counterpoint Research (CR).

Паводле CR, у кастрычніку продажы смартфонаў Apple рэзка выраслі на 12 адсоткаў у параўнанні з мінулым годам. Дзякуючы гэтаму ІТ-гігант заняў першае месца на сусветным рынку смартфонаў з рэкорднай для сябе доляй у 24,2 адсотка. Аналітыкі падкрэслілі, што кампанія Ціма Кука ўпершыню ў сваёй гісторыі дасягнула такога паказчыка.

У матэрыяле гаворыцца, што ў Apple і раней былі ўдалыя перыяды — выхад на рынак iPhone 6 у 2014 годзе або з’яўленне iPhone 12 у 2020 годзе. Аднак поспех серыі iPhone 17 усё ж аказаўся больш уражальным. Таксама высокім продажам спрыяў шырокі асартымент смартфонаў Apple папярэдніх пакаленняў — iPhone 16 і 16e.

«Apple была адным з самых хуткарастучых брэндаў з пачатку года, і мы чакаем, што яна захавае дынаміку ў чацвёртым квартале», — падкрэслілі спецыялісты CR. Яны прагназуюць, што Apple, найхутчэй, усталюе рэкорд чацвёртага квартала па аб’ёмах продажаў смартфонаў.

Вы можаце падтрымаць сайт Charter97.org наступным чынам:

РАЗЛІКОВЫ МУЛЬТЫВАЛЮТНЫ РАХУНАК ДЛЯ АХВЯРАВАННЯЎ:

Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe

Звязацца з намі можна праз адрас [email protected]