Шведская царква заявіла, што Z-манахіні з Беларусі працуюць на ГРУ

Свята-Елісавецінскі манастыр падтрымлівае расійскі рэжым.

Царква Швецыі раіць не прымаць манахінь з беларускага Свята-Елісавецінскага манастыра, піша expressen.se.

Перасцярога з'явілася пасля крытыкі, якая ўзнікла з-за таго, што прыход у Тэбю пад Стакгольмам запрасіў манахінь у сваю царкву, якую яны наведвалі на працягу васьмі гадоў. Падчас візіту прадаваліся вырабы ручной працы, такія як рукаўічкі і рускія матрёшкі.

«Яны ўскосна падтрымліваюць расійскі рэжым, і мы не хочам гэтаму спрыяць», — сказала кіраўніца аддзела грамадзянскай гатоўнасці Царквы Швецыі Ліза-Гун Бернерстэдт у эфіры P4.

Паводле яе ацэнак, ад 10 да 20 прыходаў краіны супрацоўнічалі з беларускім манастыром. Царква Швецыі цяпер публічна заклікае прыходы адмовіцца ад гэтай практыкі.

У сваім звароце рэлігійная ўстанова піша, што манахіні Свята-Елісавецінскага манастыра звязваюцца з прыходамі, каб прадаваць вырабы народных рамёстваў на адвэнтавых і калядных кірмашах.

«Яны падтрымліваюць цесны кантакт з ГРУ — расійскай разведкай і службай бяспекі — і падпарадкоўваюцца Маскоўскаму патрыярхату пад кіраўніцтвам патрыярха Кірыла», — гаворыцца ў інфармацыйным паведамленні царквы.

Вы можаце падтрымаць сайт Charter97.org наступным чынам:

РАЗЛІКОВЫ МУЛЬТЫВАЛЮТНЫ РАХУНАК ДЛЯ АХВЯРАВАННЯЎ:

Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe

Звязацца з намі можна праз адрас [email protected]