СМІ: Танкер ля берагоў Сенегала паразілі украінскія дроны

Яго «пакаралі» за перавозку расійскай нафты.

Турэцкія СМІ паведамляюць, што нафтавы танкер MERSIN (IMO: 9428683), які належыць судаходнай кампаніі Beşiktaş Denizcilik і ідзе пад панамскім сцягам, апынуўся ў цяжкім становішчы ля берагоў Сенегала.

Паводле Istanbul Haber, танкер тоне. Апублікаванае турэцкімі СМІ відэа паказвае, што вада амаль дасягае палубы, аднак бачных слядоў атакі на корпус не відаць. Апошнія даныя AIS танкер перадаваў 24 лістапада з акваторыі Сенегала крыху паўднёвей Дакара.

Выданне сцвярджае, што танкер «быў паражаны украінскімі дронамі ля берагоў Сенегала» за тое, што «перавозіў расійскую нафту». Пры гэтым ніякіх довадаў на карысць гэтай версіі не прыводзіцца.

У той жа час, як высветліў The Insider, танкер сапраўды часта заходзіць у расійскія парты. У прыватнасці, толькі сёлета ён наведваў іх не менш як 13 разоў: у лютым ён заходзіў у порт Усць-Луга, у маі, чэрвені, ліпені па некалькі разоў — у порт Наварасійск, у чэрвені — у Туапсэ, у жніўні — у порт Тамань. У санкцыйных спісах гэтага судна няма.

Вы можаце падтрымаць сайт Charter97.org наступным чынам:

РАЗЛІКОВЫ МУЛЬТЫВАЛЮТНЫ РАХУНАК ДЛЯ АХВЯРАВАННЯЎ:

Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe

Звязацца з намі можна праз адрас [email protected]