Беларускія батутысты ўзялі «золата» на чэмпіянаце свету ў іспанскай Памплоне
4- 9.11.2025, 20:34
- 1,622
Андрэй Буйлоў і Іван Літвіновіч сталі найлепшымі ў сінхронных скоках.
Беларускія батутысты Андрэй Буйлоў і Іван Літвіновіч сталі першымі ў сінхронных скоках на чэмпіянаце свету.
Гэта не першы выдатны вынік беларускіх спартсменаў — раней яны выйгралі другую кваліфікацыю, а сёння сталі найлепшымі ў фінале.
Срэбраныя прызёры ўступілі беларускім батутыстам амаль два балы.
Чэмпіянат свету цяпер праходзіць у Памплоне. На ім беларускія спартсмены ў сінхронных скоках паказалі вынік 54,670 бала. Гэты паказчык аказаўся лепшым, і нашых батутыстаў узнагародзілі залатым медалём.
Срэбранымі прызёрамі сталі Юсэі Мацумота і Хаята Міяна з Японіі.
«Бронзу» ж забралі прадстаўнікі КНР Чэн Юхань і Ван Дон.
Медаль Буйлова і Літвіновіча стала чацвёртай для беларускай зборнай у Памплоне.
Раней першымі сталі Кацярына Яршова і Станіслаў Яскевіч у змешаных сінхронных скоках, а таксама каманда атлетаў у складзе Івана Літвіновіча, Себасцьяна Станкевіча і Андрэя Буйлова на мужчынскіх камандных спаборніцтвах.
«Срэбра» Беларусі прынеслі Яна Лебедзева, Віялета Бордзілоўская і Кацярына Яршова у камандным першынстве.
Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe
Звязацца з намі можна праз адрас [email protected]
