Дэвіда Бэкхэма пасвяцілі ў рыцары

За заслугі перад футболам і брытанскім грамадствам.

Былы капітан зборнай Англіі сэр Дэвід Бэкхэм быў афіцыйна пасвячаны ў рыцары за заслугі перад футболам і брытанскім грамадствам, піша Бі-Бі-Сі.

Кароль Чарльз III пасвяціў Бэкхэма ў рыцары падчас цырымоніі ў Беркшыры ў аўторак. Яго імя было ўключана ў афіцыйны спіс людзей, якія атрымалі ўзнагароды з нагоды дня нараджэння караля.

Былы капітан англійскай футбольнай зборнай з'явіўся ў Віндзорскім замку ў касцюме, пашытым па лекалах, якія распрацавала ягоная жонка Вікторыя. Яна атрымала званне афіцэра Ордэна Брытанскай імперыі за заслугі ў галіне моды ў 2017 годзе.

«[Кароль Чарльз] быў вельмі ўражаны маім касцюмам», — распавёў Бэкхэм.

Ён прызнаўся, што «больш чым ганарыцца» з-за пасвячэння ў рыцары. «Людзі ведаюць, наколькі я патрыятычны — я люблю сваю краіну. Я заўсёды казаў, наколькі важная манархія для маёй сям'і. Мне пашчасціла падарожнічаць па ўсім свеце, і ўсе людзі хочуць са мною гаварыць толькі пра нашу манархію. І я гэтым ганаруся», — заявіў знакаміты футбаліст.

50-гадовы Дэвід Бэкхэм — адзін з самых тытулаваных брытанскіх футбалістаў і галоўная футбольная зорка свайго пакалення. З 1996 па 2009 год ён іграў у складзе зборнай Англіі: выходзіў на поле 115 разоў і забіў 17 галоў, удзельнічаў у трох чэмпіянатах свету ў складзе Англіі, а таксама ў двух чэмпіянатах Еўропы. На працягу шасці гадоў — з 2000 па 2006 год — ён быў капітанам зборнай.

За «Юнайтэд» Бэкхэм іграў 11 гадоў, а ў 2003 годзе перайшоў у «Рэал» за 25 мільёнаў фунтаў.

Ён чатыры гады іграў у іспанскай сталіцы, а потым пераехаў у ЗША, дзе выступаў за «Лос-Анджэлес Гэлаксі». Падчас знаходжання ў Лос-Анджэлесе ён двойчы выступаў на правах арэнды за «Мілан», а ў 2013 годзе завяршыў кар'еру ў «Пары Сен-Жэрмен».

З 2005 года ён супрацоўнічае з гуманітарнай арганізацыяй ЮНІСЭФ.

У 2003 годзе Бэкхэм быў удастоены званання афіцэра Ордэна Брытанскай імперыі, атрымаўшы яго ад каралевы Лізаветы II. Калі яна памерла ў 2022 годзе, ён прастаяў у чарзе да яе труны больш за 12 гадзін.

У 2024 годзе Бэкхэм быў прызначаны паслом фонду караля, які прапануе адукацыйныя курсы для студэнтаў.

Разам з былым аднаклубнікам па «Манчэстэр Юнайтэд» і зборнай Англіі Гэры Нэвілам Бэкхэм валодае футбольным клубам «Солфард Сіці» з Другой лігі. Ён таксама суўладальнік амерыканскага клуба «Інтэр Маямі».

Вы можаце падтрымаць сайт Charter97.org наступным чынам:

РАЗЛІКОВЫ МУЛЬТЫВАЛЮТНЫ РАХУНАК ДЛЯ АХВЯРАВАННЯЎ:

Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe

Звязацца з намі можна праз адрас [email protected]