Таямнае жыццё пучка сумоістаў
- 30.11.2025, 17:06
- 3,660
Як традыцыйная прычоска служыць сімвалам барацьбы сумо.
У сумо існуюць дзясяткі рытуалаў, але галоўным сімвалам спартсмена застаецца традыцыйны пучок магэ — прычоска, якая захоўваецца ўжо некалькі стагоддзяў. Яе карані сягаюць у XVII стагоддзе, калі такі стыль насілі самураі. Пасля рэформаў Мэйдзі большасць японцаў адмовілася ад пучкоў, аднак сумо захавала традыцыю, піша Financial Times (пераклад — сайт Charter97.org).
Сёння прафесійных барцоў стала менш — каля 600 чалавек, але цікавасць да спорту расце як унутры краіны, так і за яе межамі. Усе 15 дзён шасці штогадовых турніраў упершыню за амаль 30 гадоў праходзілі пры аншлагах, а міжнародныя гастролі сумо збіраюць поўныя залы.
Традыцыйная прычоска — справа асаблівых майстроў, токояма, якія праводзяць з барцамі кожны дзень. Іх усяго каля паўсотні, і кожны гадамі адпрацоўвае тэхніку. Раніцай пасля трэніроўкі майстры пачынаюць працу: валасы змякчаюць алеем камеліі, расчэсваюць спецыяльнымі грэбнямі і збіраюць у тугі вузел. Правільнае нацяжэнне надзвычай важнае — занадта тугі пучок выклікае галаўныя болі, занадта слабкі распадаецца падчас трэніроўкі або сну.
Для барцоў найвышэйшых дывізіёнаў ствараюць асаблівы варыянт — пучок оічо ў форме веера. Яго робяць з дапамогай металічнага стрыжня, каб стварыць ідэальны раўнамерны «пялёстак».
Токояма падкрэсліваюць, што валасы — частка рытуалу і баявога духу. Ад акуратнасці і формы прычоскі залежыць не толькі знешні выгляд, але і псіхалагічны настрой спартсмена: падрыхтоўка да паядынку пачынаецца з таго моманту, калі майстар пачынае фарміраваць оічо.
Традыцыя застаецца нязменнай стагоддзямі, а для майстроў найвышэйшая ўзнагарода — калі барэц з іх прычоскай перамагае на буйным турніры.
Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe
Звязацца з намі можна праз адрас [email protected]
