Мінчанак папрасілі выйсці з рэстарана праз дзве гадзіны за тое, што яны замовілі толькі чай і каву

Юрыстка пракаментавала.

Сталічны рэстаран публічна, у прысутнасці іншых гасцей, абмежаваў час знаходжання мінчанкі і яе спадарожніцы двума гадзінамі. Прычынай стала тое, што дзяўчаты замовілі толькі па адной чашцы гарачага напою. Наколькі законныя такія абмежаванні, выданню «Мінская праўда» адказала юрыстка Віцебскай абласной калегіі адвакатаў Наталля Сінкевіч.

Юрыстка адзначыла, што паводле закона спажывец мае права на свабодны выбар тавару, работы або паслугі належнай якасці ў зручны для яго час з улікам рэжыму працы гандлёвага аб’екта або аб’екта абслугоўвання.

— Гэта значыць, што падчас працы аб’екта грамадскага харчавання (кафэ, рэстаран) вы маеце права замовіць той тавар, які вам неабходны з наяўнага меню — у дадзеным выпадку чашку кавы і чашку чаю. Установа не мае права прымушаць вас набываць дадатковыя тавары і прасіць пакінуць памяшканне толькі за тое, што ў вас, на іх думку, «маленькая» замова або чэк, — патлумачыла Наталля Сінкевіч.

Адвакатка дадала, што ўстанова мае права ўстанавіць унутраныя правілы для гасцей. У такім выпадку гэтыя патрабаванні павінны быць размешчаныя ў месцы, дзе наведвальнікі могуць свабодна з імі пазнаёміцца.

— Такім чынам, калі работнікі <�…> просяць пакінуць рэстаран толькі з-за таго, што вы замовілі каву або ваду, рэкамендую папрасіць абгрунтаваць, якім дакументам яны кіруюцца пры дадзенай забароне, або пакінуць сваю скаргу ў кнізе заўваг і прапаноў, — падсумавала юрыстка.

Вы можаце падтрымаць сайт Charter97.org наступным чынам:

РАЗЛІКОВЫ МУЛЬТЫВАЛЮТНЫ РАХУНАК ДЛЯ АХВЯРАВАННЯЎ:

Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe

Звязацца з намі можна праз адрас [email protected]