Чыноўніка з Брэсцкай вобласці звольнілі з-за банкаўскага рахунку ў ЕС

Ён займаў кіраўнічую пасаду на працягу некалькіх гадоў.

У Брэсцкай вобласці звольнілі «дзяржаўную службовую асобу». Падставай стала наяўнасць банкаўскага рахунку ў Еўрапейскім саюзе, паведамілі ў пракуратуры Брэсцкай вобласці.

Намеснік кіраўніка адной з арганізацый Брэстчыны, які на працягу некалькіх гадоў займаў кіраўнічую пасаду, «адкрыў і выкарыстоўваў у асабістых мэтах банкаўскі рахунак у замежным банку, зарэгістраваным на тэрыторыі Еўрапейскага саюза».

Гэта выявілася падчас праверкі пракуратуры і міліцыі. Такі выпадак расцанілі як «факт парушэння дзяржаўнай службовай асобай антыкарупцыйнага абмежавання».

Прамую забарону на валоданне і карыстанне рахункам у замежных банках для дзяржаўных службовых асоб устанаўлівае арт. 17 закона «Аб барацьбе з карупцыяй», адзначылі ў пракуратуры.

Абласная пракуратура распачала дысцыплінарную вытворчасць — у выніку наймальнік звольніў супрацоўніка за «парушэнне пісьмовага абавязацельства па выкананні абмежаванняў, прадугледжаных заканадаўствам аб барацьбе з карупцыяй».

«Названая падстава спынення працоўнага кантракта прызнаецца дыскрэдытуючай акалічнасцю звальнення. На працягу бліжэйшых пяці гадоў прызначэнне звольненай асобы на кіраўнічыя пасады як у арганізацыях дзяржаўнай, так і прыватнай формаў уласнасці будзе магчымым толькі па ўзгадненні са старшынём выканкама», — адзначылі ў пракуратуры.

Вы можаце падтрымаць сайт Charter97.org наступным чынам:

РАЗЛІКОВЫ МУЛЬТЫВАЛЮТНЫ РАХУНАК ДЛЯ АХВЯРАВАННЯЎ:

Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe

Звязацца з намі можна праз адрас [email protected]