Заражаная небяспечнымі вірусамі малпа збегла ад навукоўцаў у ЗША

Уцёкам спрыяла ДТЗ у штаце Місісіпі.

У ЗША вышукваюць лабараторную малпу, якая збегла ў выніку ДТЗ у штаце Місісіпі. Паводле папярэдняй інфармацыі, жывёла можа быць заражаная небяспечнымі вірусамі.

Першапачаткова пра інцыдэнт паведаміў офіс шэрыфа ў акрузе Джаспер.

«28 кастрычніка 2025 года на аўтамагістралі I-59 паблізу 117-й мілі адбылася аварыя. Гэта быў грузавік, які перавозіў макак-рэзус з Універсітэта Тулейн. Малпы важаць прыблізна 18 кг, яны агрэсіўныя да людзей, і для працы з імі неабходныя сродкі індывідуальнай абароны. Малпы з'яўляюцца носьбітамі гепатыту С, герпесу і COVID», — гаварылася ў паведамленні.

Пры гэтым офіс шэрыфа ўдакладніў, што ў выніку аварыі збеглі чатыры малпы. Трох пазней удалося «знішчыць», яшчэ адна дагэтуль на свабодзе.

Пасля гэтага Універсітэт Тулейн абнародаваў заяву, у якой адмаўляе заражэнне малпаў небяспечнымі вірусамі. У прыватнасці, у ёй адзначаецца, што жывёлы належаць старонняй даследчай арганізацыі, якой дазволілі скарыстацца ўніверсітэцкай лабараторыяй.

«Прыматы, пра якіх ідзе гаворка, не пераносілі ніякіх захворванняў і нядаўна прайшлі праверкі, што пацвердзілі адсутнасць у іх патагенаў», — гаворыцца ў заяве ўніверсітэта.

Вы можаце падтрымаць сайт Charter97.org наступным чынам:

РАЗЛІКОВЫ МУЛЬТЫВАЛЮТНЫ РАХУНАК ДЛЯ АХВЯРАВАННЯЎ:

Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe

Звязацца з намі можна праз адрас [email protected]