Літва заклікала ЕС ўзмацніць санкцыі супраць рэжыму Лукашэнкі

З-за гібрыдных атак.

Літва на пасяджэнні Рады ЕС па агульных справах 17 лістапада падняла пытанне гібрыдных атак з боку Беларусі і заклікала да ўзмацнення санкцый у дачыненні да беларускага рэжыму.

Пра гэта заявіў намеснік міністра замежных спраў Літвы Сігітас Міткус, якога цытуе прэс-служба літоўскага знешнепалітычнага ведамства, паведамляе «Еўрапейская праўда».

Падчас пасяджэння ён падкрэсліў, што парушэнні паветранай прасторы Літвы з дапамогай кантрабандных паветраных шароў, якія запускаюцца з тэрыторыі Беларусі, трэба разглядаць як свядомую гібрыдную аперацыю.

«Мы заклікаем выразна назваць дзеянні беларускага рэжыму гібрыднай атакай супраць дзяржавы — члена ЕС і разгледзець новыя санкцыі ў дачыненні да адказных беларускіх службовых асоб і ўстаноў», — сказаў намеснік міністра.

Ён падкрэсліў, што Беларусь павінна неадкладна дазволіць грузавым аўтамабілям, зарэгістраваным у ЕС, вярнуцца на тэрыторыю ЕС.

«Дзеянні Беларусі недапушчальныя, яны дыскрымінуюць прадпрыемствы ЕС і прыводзяць да дадатковых фінансавых страт», — рэзюмаваў Міткус.

З-за выкарыстання метэаралагічных шараў для перавозкі кантрабандных цыгарэт, якія запускаюцца з Беларусі, Літва некалькі разоў была вымушаная спыняць працу аэрапортаў.

Кіраўніцтва краіны называе гэта гібрыднай атакай Беларусі. Такія дзеянні Мінска асудзілі кіраўнікі ЕС, а падтрымку Літве выказала НАТА.

Вы можаце падтрымаць сайт Charter97.org наступным чынам:

РАЗЛІКОВЫ МУЛЬТЫВАЛЮТНЫ РАХУНАК ДЛЯ АХВЯРАВАННЯЎ:

Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe

Звязацца з намі можна праз адрас [email protected]