Стала вядома, ці вернецца Месі ў «Барселону»

Каментар даў прэзідэнт каталонскага клуба.

Прэзідэнт «Барселоны» Жаан Лапорта канчаткова закрыў пытанне аб магчымым вяртанні Ліянэля Месі у клуб у якасці гульца, перадае Mundo Deportivo.

«Калі даніна павагі нейкім чынам зможа выправіць тое, што не было зроблена, гэта было б добра. Развагі пра тое, што Месі можа вярнуцца ў клуб у якасці гульца, недарэчныя», — заявіў Лапорта.

У 2021 годзе «Барселона» не змагла прапанаваць Месі новы кантракт з-за фінансавых праблем і жорсткіх рамак фінансавага фэйр-плэю Ла Лігі. Цяперашні кантракт 38-гадовага нападніка з «Інтэр Маямі» разлічаны да канца 2028 года.

Месі — выхаванец «Барселоны». За асноўную каманду ён выступаў з 2003 па 2021 год. За гэты перыяд ён правёў 835 матчаў і забіў 709 галоў. Месі чатыры разы выйграў Лігу чэмпіёнаў у складзе «Барселоны», у 2022 годзе выйграў чэмпіянат свету са зборнай Аргенціны, двойчы выйграў Кубак Амерыкі, восем разоў атрымліваў «Залаты мяч».

У 2021 годзе футбаліст пакінуў каталонскі клуб і перайшоў у французскі «ПСЖ», за які правёў два сезоны. У 2023 годзе нападнік перайшоў у «Інтэр Маямі» і ў кастрычніку 2025 года падоўжыў кантракт з камандай да 2028 года.

Вы можаце падтрымаць сайт Charter97.org наступным чынам:

РАЗЛІКОВЫ МУЛЬТЫВАЛЮТНЫ РАХУНАК ДЛЯ АХВЯРАВАННЯЎ:

Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe

Звязацца з намі можна праз адрас [email protected]