Названыя пяць мадэляў IPhone, якія найбольш падабаюцца людзям
2- 4.10.2025, 19:50
- 5,662
Чым яны добрыя.
Бенчмарк AnTuTu не толькі вымярае прадукцыйнасць мабільных прылад, але і апытвае карыстальнікаў на прадмет задаволенасці сваім тэлефонам і планшэтам. Са сярэдняй адзнакі атрымліваецца «народны» рэйтынг — вось якія iPhone узначалілі яго паводле вынікаў верасня 2025 года.
Упершыню за доўгі час рэйтынг iOS-прылад узначаліла новая мадэль Apple — iPhone 17 Pro Max, якая атрымала цэлых 99,55% захопленых водгукаў. Цікава, што ў дзясятцы лідараў няма ні iPhone 17, ні iPhone 17 Pro, ні iPhone Air.
Галоўны флагман Apple сёлета атрымаў адразу некалькі важных абнаўленняў: час аўтаномнай працы павялічыўся на 4 гадзіны, у той час як задні тэлеаб'ектыў палепшылі з 12 да 48 мегапікселяў. Эксперты адзначаюць, што такім чынам Apple змагла задаволіць патрэбы розных карыстальнікаў.
На трэцім месцы вераснёвага рэйтынгу знаходзіцца iPhone 12 mini (95,69%). Гэтую мадэль любяць за кампактныя памеры і збалансаваную начынку. З іншых мадэляў iPhone у рэйтынгу прысутнічаюць iPhone SE 2020, iPhone 16 і iPhone 8.
Калі глядзець на планшэты, то найвышэйшую задаволенасць уладальнікаў выклікае iPad Air 4. Гэты нядорагі планшэт выйшаў яшчэ ў 2020 годзе, але людзі працягваюць ім карыстацца і пакідаць станоўчыя водгукі. За ім ідуць мадэлі iPad Pro 4, iPad Air 5, iPad Pro 5 і iPad Mini 5.
Аналітыкі пішуць, што попыт на новыя iPhone аказаўся вышэй за ўсе чаканні. Аднак найбольш папулярнымі аказаліся толькі асноўныя смартфоны серыі — iPhone 17, 17 Pro і 17 Pro Max. Тым часам тонкі iPhone Air дэманструе адносна слабыя паказчыкі попыту.
Вядомы тэхнаблогер MKBHD назваў базавы iPhone 17 найлепшым тэлефонам Apple «за многія гады» і ледзь не ідэальным смартфонам за свае грошы.
Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe
Звязацца з намі можна праз адрас [email protected]
