У Беларусі выпусцілі зімовыя шыны з нацыянальным арнаментам

Пара мяняць лысую рэзіну.

«Белшына» пашырыць лінейку зімовых шын прэміум-класа, паведаміла на прэс-канферэнцыі «Развіццё аўтамабільнай прамысловасці: мадэрнізацыя, экалагічнасць і экспартны патэнцыял» начальніца бюро маркетынгавых даследаванняў і стратэгічнага маркетынгу прадпрыемства Ганна Басарэўская, перадае БелТА.

У гэтым сезоне прадпрыемства прадставіла на рынку новую лінейку Artmotion Snow Premium. Пакуль гаворка ідзе толькі пра тры тыпаразмеры, але ў будучыні іх колькасць павялічыцца да 16.

Асноўная ідэя брэнда — захаванне і папулярызацыя нацыянальных традыцый Беларусі. «У афармленні бакавіны прэміяльных шын выкарыстоўваюцца беларускія графічныя элементы, такія як арнаменты, сімвалы, руны, абярэгі. Шыны маюць унікальную канструкцыю, а таксама выраблены з выкарыстаннем спецыяльных гумовых сумесяў па фірменнай тэхналогіі. Мы спадзяёмся, што ў гэтым зімовым сезоне беларускія аўтаўладальнікі змогуць па вартасці ацаніць нашу навінку», — адзначыла Ганна Басарэўская.

Спецыяльны склад гумовай сумесі закліканы забяспечыць добрае тармажэнне і кіравальнасць на лёдзе і снезе, счапленне з мокрым пакрыццём або заснежаным дарожным палатном, а таксама нізкі супраціў качэнню.

Начальнік інжынерна-тэхнічнага цэнтра ААТ «Белшына» Сяргей Каюшнікаў адзначыў, што ў пашырэнне асартыменту прадукцыі ўкладаюцца значныя сродкі. Адна з апошніх навінак для вытворцаў сельгастэхнікі — шыны для эксплуатацыі пры паніжаным ціску, што забяспечвае зніжэнне нагрузкі на глебу. Распрацоўваюцца шыны для аўтамабіляў «БЕЛДЖЫ». Завяршаюцца выпрабаванні шын, прызначаных для электрамабіляў.

«Інавацыйнае развіццё немагчыма без узаемадзеяння з навуковымі арганізацыямі. Актыўна супрацоўнічаем як з тэхнічнымі цэнтрамі беларускіх машынабудаўнікоў, так і з навуковымі арганізацыямі Рэспублікі Беларусь, міжнароднымі навуковымі цэнтрамі, у прыватнасці, з Варонежскім тэхналагічным універсітэтам, цэнтрам навуковай думкі Кітайскай Народнай Рэспублікі — Універсітэтам навукі і тэхналогій Цындаа», — расказаў Сяргей Каюшнікаў.

Вы можаце падтрымаць сайт Charter97.org наступным чынам:

РАЗЛІКОВЫ МУЛЬТЫВАЛЮТНЫ РАХУНАК ДЛЯ АХВЯРАВАННЯЎ:

Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe

Звязацца з намі можна праз адрас [email protected]