«Людзі жывуць па сродках, і гэта варта павагі»
6- 25.10.2025, 10:33
- 5,016
Беларуска распавяла, колькі патраціла на вяселле ў 2025 годзе.
Беларуска падзялілася ў Instagram відэа пра падрыхтоўку да вяселля і распавяла пра выдаткі, карыстальнікі выказалі сваё захапленне.
Па яе словах, яна вырашыла зэканоміць на відэографе і фатографе, на дэкарацыях і на сукенцы.
На цырымонію запрасілі 30 гасцей.
— Сядзіба з банкетам на 30 чалавек — 970 долараў. Дэкор мы цалкам зрабілі самі — на расходныя матэрыялы пайшло 50 долараў. Роспіс у РАГСе і ахвяраванне касцёлу — 130 долараў, абручкі — 600 долараў. Сучасны вядоўца з апаратурай і дыджэем — 440 долараў, — пералічыла выдаткі аўтарка відэа.
Яна дадала, што вясельны торт пяклі самі, прадукты для яго і свечкі абышліся ў 30 долараў.
— Салодкасці, садавіна і напоі — 120 долараў, алкаголь — 250, — распавяла яна.
Дзяўчына адзначыла, што зэканоміла таксама на сваім вобразе.
— Мне пашанцавала, сукенку пашыла мама. Макіяж і ўкладку таксама зрабілі самі. На тканіну і туфлі пайшло 130 долараў, — пералічыла аўтарка відэа.
Тым часам вобраз жаніха абышоўся ў 400 долараў (гэта касцюм, кашуля, туфлі і рамень). Пры гэтым жаніх змог зэканоміць на букеце для нявесты і сабраў яго сам. За кветкі аддалі 20 долараў.
— Фатографа і відэографа вырашылі не браць, па дарозе на сядзібу пару кадраў зрабіла сястра, — падзялілася нявеста.
Падарункі гасцям і «астатнія дробязі» каштавалі маладым яшчэ 100 долараў.
— І ў выніку агульная сума — 3240 долараў, — падсумавала аўтарка роліка, выказаўшы меркаванне, што яны выдатна справіліся з падрыхтоўкай да вяселля, і атрымалася «вельмі прыгожа».
Тым часам карыстальнікі ў каментарах выказалі меркаванне, што атрымалася вельмі душэўна, і гэта важней, чым выдаткі:
«Людзі жывуць па сродках, і гэта варта павагі. Проста прыклад для многіх»
«Я працавала шмат гадоў вясельнай каардынатаркай, бачыла вельмі шмат вяселляў з велізарным бюджэтам і магу сказаць, што вы вялікія малайцы. 3 тыс. — гэта, дарэчы, не маленькі бюджэт. Вы патрацілі яго з розумам, за што вам рэспект»
«Вельмі нават эканамна. Малайцы. Ну хіба што з абручкамі перастараліся»
«Ого, нарэшце ўбачыла адэкватны цэннік. У вас усё выдатна атрымалася»
«Па грошах не магу судзіць, але тое, што зрабілі сабе тімбілдынг — гэта крута»
«Даволі танна»
«Малайцы. Галоўнае — душэўна і ўтульна. Мы на сваё крыху больш патрацілі, каля пяці тысяч долараў, але таксама многае зрабілі сваімі рукамі, і атрымалася куды круцей, чым клішаванае і абязлічанае ад чужых людзей»
«Ды выйшла амаль бясплатна, малайцы»
«Ну ў прынцыпе, як патраціліся, так і выглядае, але на дадзены момант я б таксама не трацілася, а лепш увогуле распісалася. А астатнія грошы б патраціла на Мальдывы»
«Малайцы, хлопцы, без понтаў і пафасу, без крэдытаў і даўгоў зрабілі выдатнае вяселле, усе ўдзельнічалі і дапамагалі — гэта сям'я»
«Нешта для вяселля на 30 чалавек дарававата, тым больш шмат што зрабілі самі».
Некаторыя жартавалі з таго, што ў маладых, «як у сапраўдных беларусаў усё падлічана ў доларах».
Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe
Звязацца з намі можна праз адрас [email protected]
