The Washington Post: Саміт у Будапешце сарваўся, так і не пачаўшыся

Спатрэбілася ўсяго адна тэлефонная размова.

Гісторыя з будапешцкім самітам Пуціна і Дональда Трампа, які скончыўся, так і не пачаўшыся, дае дакладнае разуменне, як менавіта павінен дзейнічаць прэзідэнт ЗША, каб спыніць вайну ва Украіне — трэба жорстка ціснуць на Крамль. Пра гэта гаворыцца ў рэдакцыйным артыкуле The Washington Post (WP).

Журналісты выдання адзначаюць, што планы саміту ў Венгрыі разваліліся менш чым за тыдзень. Спатрэбілася ўсяго адна тэлефонная размова паміж дзяржсакратаром ЗША Маркам Рубіа і міністрам замежных спраў Расіі Сяргеем Лаўровым, каб амерыканцы пераканаліся, што расіяне не адмовіліся ад намераў знішчыць Украіну як дзяржаву.

Падобная гісторыя была з Аляскай, нагадвае рэдакцыя WP. Тады амерыканцы таксама думалі, што расіяне нібыта гатовыя дамаўляцца, аднак пазней стала зразумела, што гэта не так. І калі амерыканцы нарэшце гэта зразумелі, пачалі дапамагаць разведданымі ўкраінскай кампаніі удараў па расійскіх НПЗ.

Аднак саміт у Будапешце сарваўся, так і не пачаўшыся, таму што амерыканцам усё стала зразумела значна хутчэй. Калі Трамп пачаў разглядаць магчымасць перадачы ва Украіну крылатых ракет «Тамагавк», у Маскве публічна загаварылі пра непрымальнасць гэтага кроку. Урэшце ўсё вылілася ў ініцыяваную Крамлём тэлефонную размову паміж Пуціным і Трампам, па выніках якой прэзідэнт ЗША адразу зняў «Тамагавкі» з парадку дня, каб «даць шанец дыпламатыі». Аднак і тыдня не мінула, як дыпламатыя правалілася.

Вы можаце падтрымаць сайт Charter97.org наступным чынам:

РАЗЛІКОВЫ МУЛЬТЫВАЛЮТНЫ РАХУНАК ДЛЯ АХВЯРАВАННЯЎ:

Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe

Звязацца з намі можна праз адрас [email protected]