Украінскі «Міратворца» просіць прыцягнуць да адказнасці Сяргея Ціханоўскага

У чым прычына.

Цэнтр «Міратворца» на сваім афіцыйным сайце абнавіў інфармацыю адносна экс-палітвязня Сяргея Ціханоўскага і абвінавачвае яго ў здзяйсненні «свядомых дзеянняў супраць нацыянальнай бяспекі Украіны, міру, бяспекі чалавецтва і міжнароднага правапарадку». Гэта паведамленне цэнтр просіць разглядаць як заяву пра здзяйсненне злачынства ў праваахоўныя органы Украіны, заўважыў «Белсат».

На сайце ўказана, што Сяргей Ціханоўскі парушыў дзяржаўную мяжу Украіны, калі наведваў акупаваны расійскімі войскамі Крым, а гэта трактуецца як спроба легалізацыі акупацыі Аўтаномнай Рэспублікі Крым расійскімі захопнікамі.

Яшчэ ў 2014 годзе Сяргей Ціханоўскі актыўна падтрымліваў захоп і акупацыю Крыму, адзначаецца ў паведамленні. У 2017 годзе, паводле сцвярджэнняў «Міратворца», ён незаконна пранік на тэрыторыю акупаванага Крыму і дэманстратыўна заявіў: «Крым наш».

Сам Сяргей Ціханоўскі пасля выхаду з турмы неаднаразова падкрэсліваў, што ён на баку Украіны ў вайне супраць расійскіх агрэсараў.

Нагадаем, што першапачаткова яго ўключылі ў базу цэнтра «Міратворца» яшчэ ў 2020 годзе за наведванне Крыму.

Вы можаце падтрымаць сайт Charter97.org наступным чынам:

РАЗЛІКОВЫ МУЛЬТЫВАЛЮТНЫ РАХУНАК ДЛЯ АХВЯРАВАННЯЎ:

Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe

Звязацца з намі можна праз адрас [email protected]