Беларускі гурт Molchat Doma ідзе на Грэмі

Мінскі гурт упершыню можа трапіць у спіс намінантаў.

Альбом «Белая Паласа» мінскага гурта Molchat Doma пададзены на разгляд у катэгорыі Best Alternative Album, а трэк «Сон» — у катэгорыі Best Alternative Performance прэміі Грэмі.

Пакуль гэта не афіцыйныя намінацыі, а толькі першы этап галасавання — For Your Consideration, піша «Клік».

На гэтай стадыі рэлізы дапускаюцца да ўдзелу і трапляюць у бюлетэні першага тура для сябраў Recording Academy, якія і вызначаюць шорт-ліст намінантаў.

Заяўкі на ўдзел звычайна афармляюць лейблы артыстаў. Для Molchat Doma гэта важны крок і магчымасць упершыню трапіць у спіс намінантаў на галоўную музычную прэмію свету.

Molchat Doma — беларускі гурт з Мінска, заснаваны ў 2017 годзе. Іх музыка спалучае постпанк, сінтыпоп і халодную хвалю, а тэксты — змрочныя і меланхалічныя — часта звяртаюцца да тэм адзіноты і паўсядзённасці.

Molchat Doma выдаюцца на амерыканскім інды-лейбле Sacred Bones Records і рэгулярна гастралююць па Еўропе і ЗША.

Вы можаце падтрымаць сайт Charter97.org наступным чынам:

РАЗЛІКОВЫ МУЛЬТЫВАЛЮТНЫ РАХУНАК ДЛЯ АХВЯРАВАННЯЎ:

Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe

Звязацца з намі можна праз адрас [email protected]