У НАТА злавілі Пуціна на хлусні

Расія не здольная адказаць на Tomahawk.

Паўночнаатлантычны альянс пакуль не назірае, каб Расія вырабляла новую зброю, як запэўніваў дыктатар Уладзімір Пуцін.

Пра гэта заявіў высокапастаўлены чыноўнік НАТА, паведамляе РБК-Украіна.

«Што да рэакцыі на Tomahawk, так, я лічу, што мы не бачым новых відаў узбраення. Распрацоўкі расіян насамрэч не ўключалі ніводнага новага ўзбраення — ніякай новай зброі не было ўведзена. Мы назіраем звычайныя цыклы выпрабаванняў, якія Расія працягвае ў межах сваіх ваенных праграм на працягу ўсяго канфлікту», — адзначыў ён.

Паводле слоў чыноўніка Альянсу, найверагодней рэакцыя Расіі будзе праяўляцца ў безадказнай рыторыцы з брэцаннем ядзернай зброяй.

Таксама ён дапусціў, што магчыма абвастрэнне канфлікту ўздоўж усёй лініі фронту і новыя ўдары па Украіне ў якасці «пакарання».

«Але я не лічу, што існуе нейкая канкрэтная, нечаканая рэакцыя, якую расіяне маглі б ажыццявіць, якая была б непрадказальнай», — звярнуў увагу прадстаўнік НАТА.

Што сказаў Пуцін

Нагадаем, раней расійскі дыктатар Уладзімір Пуцін заявіў, што адказ Расіі на магчымыя пастаўкі Украіне ракет Tomahawk — «гэта ўзмацненне СПА».

Таксама кіраўнік Крамля запэўніваў, што ў Расіі ўжо ў бліжэйшы час могуць абвясціць пра з'яўленне «новых відаў зброі».

Па словах Пуціна, ужо праходзяць «паспяховыя выпрабаванні».

Вы можаце падтрымаць сайт Charter97.org наступным чынам:

РАЗЛІКОВЫ МУЛЬТЫВАЛЮТНЫ РАХУНАК ДЛЯ АХВЯРАВАННЯЎ:

Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe

Звязацца з намі можна праз адрас [email protected]