Лукашэнка прызначыў сыну спецыяльную стыпендыю

Грошы вылучаць з рэзервовага фонду дыктатара.

З рэзервовага фонду Аляксандра Лукашэнкі вылучана 680 тысячаў рублёў на заахвочванне адораных навучэнцаў і студэнтаў, а таксама асобаў, якія іх падрыхтавалі, паведаміла прэс-служба палітыка. У спісе значыцца і ягоны малодшы сын Мікалай.

У адпаведнасці з падпісанай Лукашэнкам пастановай прысуджаныя 26 гранд-прэмій з уручэннем нагруднага знака і 217 спецыяльных прэмій пераможцам рэспубліканскіх алімпіядаў і конкурсаў. Узнагароджанне за асаблівы ўнёсак у развіццё здольнасцяў адораных навучэнцаў і студэнтаў атрымае 21 педагагічны супрацоўнік.

Акрамя таго, за выдатную вучобу, поспехі ў навукова-даследчай і творчай дзейнасці 173 студэнтам і курсантам установаў вышэйшай адукацыі прызначаная стыпендыя ад Аляксандра Лукашэнкі памерам 221,88 рубля штомесяц. У спісе значыцца і сын палітыка Мікалай – як студэнт трэцяга курсу БДУ. Такую стыпендыю ён ужо атрымліваў на першым і другім курсе.

Вы можаце падтрымаць сайт Charter97.org наступным чынам:

РАЗЛІКОВЫ МУЛЬТЫВАЛЮТНЫ РАХУНАК ДЛЯ АХВЯРАВАННЯЎ:

Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe

Звязацца з намі можна праз адрас [email protected]