Магіляўчанка замест свечкі падпаліла петарду

Яна ў шпіталі.

Жыхарка Магілёва патрапіла ў лякарню пасля таго, як падпаліла ў кватэры петарду, пераблытаўшы яе са свечкай. Пра гэта паведамілі ў МНС.

Інфармацыя аб тым, што ў шпіталь дастаўленая пацыентка з траўмамі ад піратэхнікі, паступіла ратавальнікам вечарам 5 студзеня. Пацярпелая - 57-гадовая пенсіянерка.

"5 студзеня 2025 года а 18.31 паступіла паведамленне аб шпіталізацыі пенсіянеркі з інфікаванай ранай і траўматычнай ампутацыяй ногцевых пласцін трох пальцаў правай кісці, атрыманымі 2 студзеня 2025 года", - расказалі падрабязнасці ў МНС.

Там дадалі, што жанчына атрымала гэтыя траўмы "ў выніку выбуху петарды, якую па неасцярожнасці падпаліла замест свечкі ў кватэры шматкватэрнага жылога дома ў Магілёве на вуліцы Крупскай".

Дадамо, што нядаўна галоўны лекар 6-й гарадской клінічнай лякарні, галоўны пазаштатны траўматолаг камітэта аховы здароўя Менгарвыканкама Віктар Аносаў распавёў, што кожны год у Беларусі рэгіструюць 30-40 пацярпелых ад выбуху петард, пры гэтым траўмы кісткі могуць быць непапраўнымі - аж да ампутацыі.

Як адзначыў Аносаў, калі петарда выбухае ў кісці (а гэта орган са складанай анатоміяй і суадносінамі сухажылляў, сасудаў, мышцаў), то "потым яе складана сабраць, бо тканак ужо няма".

Вы можаце падтрымаць сайт Charter97.org наступным чынам:

РАЗЛІКОВЫ МУЛЬТЫВАЛЮТНЫ РАХУНАК ДЛЯ АХВЯРАВАННЯЎ:

Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe

Звязацца з намі можна праз адрас [email protected]