Аліеў абвінаваціў Расею ў катастрофе азербайджанскага самалёта
33- 6.01.2025, 13:45
- 37,394
Ён патрабуе пакараць вінаватых.
Ільхам Аліеў заявіў, што Азербайджан патрабуе пакарання вінаватых у катастрофе самалёта ЗАТ «Азербайджанскія авіялініі» (AZAL), які выконваў рэйс Баку-Грозны і пацярпеў катастрофу недалёка ад казахстанскага Актау, паведамляе «Інтэрфакс».
«Магу з упэўненасцю сказаць, што віна за тое, што азербайджанскія грамадзяне загінулі ў гэтай катастрофе, ляжыць на прадстаўніках Расейскай Федэрацыі. І мы патрабуем справядлівасці, мы патрабуем пакарання вінаватых, мы патрабуем поўнай празрыстасці і чалавечых паводзінаў», - сказаў ён у панядзелак на сустрэчы з сямейнікамі загінулага ў авіякатастрофе экіпажа і бортправаднікамі.
З яго слоў, аперацыя «дыван» у Грозным, якая азначае закрыццё паветранай прасторы, была абвешчаная пасля таго, як лайнер быў збіты з зямлі.
«Спробы дзяржаўных органаў Расеі замяць інцыдэнт і бараніць недарэчныя версіі выклікаюць у нас адначасова здзіўленне, шкадаванне і справядлівае абурэнне», - адзначыў прэзідэнт.
Кіраўнік дзяржавы падкрэсліў, што «калі б былі своечасова ўжытыя захады па закрыццю паветранай прасторы над горадам Грозным, выкананыя правілы наземнага абслугоўвання і была б наладжаная каардынацыя паміж узброенымі сіламі і цывільнымі службамі Расейскай Федэрацыі, гэтай трагедыі можна было б пазбегнуць».
З яго слоў, зараз ідзе працэс расшыфроўкі чорных скрынь.
«Упэўнены, што найбліжэйшым часам мы даведаемся папярэдні вынік, і ўсё ўстане на свае месцы, уся карціна трагедыі будзе вядомая. І гэта, зразумела, будзе важным момантам у справе поўнага расследавання гэтай трагедыі і пакарання вінаватых у ёй», - дадаў кіраўнік дзяржавы.
Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe
Звязацца з намі можна праз адрас [email protected]
