Дзеці, якія пацярпелі ў ДТЗ у Астравецкім раёне, атрымалі сур'ёзныя траўмы

Чацвёра знаходзяцца ў рэанімацыі.

У Астравецкім раёне адбылося жорсткае ДТЗ са смяротным зыходам.

Кіроўца аўтамабіля Volkswagen не дала рады кіраванню, выехала на сустрэчную паласу, дзе сутыкнулася з аўто Rover.

У Volkswagen апроч кіроўцы знаходзілася 6 чалавек, 5 з якіх непаўналетнія. У выніку ДТЗ 36-гадовая пасажырка нямецкага аўто памерла. Дзеці і кіроўца другога аўто дастаўленыя ў лякарню.

Міністэрства аховы здароўя расказала пра стан дзяцей, якія трапілі ў шпіталь:

- У выніку ДТЗ пацярпелі пяць дзяцей. Іх шпіталізавалі брыгады хуткай медыцынскай дапамогі. Пацярпелыя дзеці былі агледжаны спецыялістамі хуткай медыцынскай дапамогі і накіраваны на шпіталізацыю ў Астравецкую ЦРБ.

Паведамляецца, што ўсе пацярпелыя атрымалі сур'ёзныя траўмы:

- Ва ўсіх пацыентаў дыягнаставаны спалучаныя траўмы - чацвёра дзяцей шпіталізаваны ў аддзяленне анэстэзіялогіі і рэанімацыі, адзін у траўматалагічнае аддзяленне.

На дапамогу астравецкім лекарам выехалі экспэрты рэспубліканскага ўзроўню.

Вы можаце падтрымаць сайт Charter97.org наступным чынам:

РАЗЛІКОВЫ МУЛЬТЫВАЛЮТНЫ РАХУНАК ДЛЯ АХВЯРАВАННЯЎ:

Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe

Звязацца з намі можна праз адрас [email protected]