«У NATO ёсць адзіны спосаб перамагчы РФ»

Расея рыхтуе плацдарм, калі яна цяпер не пацерпіць паразу ва Украіне.

Калі краіна-агрэсарка Расея захавае такія самыя тэмпы мілітарызацыі краіны, якія ёсць сёння, то праз пяць гадоў у дзяржаваў NATO не будзе ніводнага шанцу. Пра гэта ў інтэрв'ю тэлеканалу Freedom заявіў дарадца кіраўніка Офіса прэзідэнта Украіны Міхаіл Падаляк.

Паводле ягоных словаў, адзіны спосаб – гэта перамагчы расейцаў з дапамогай Украіны.

«У іх (дзяржаваў NATO, – рэд.) даволі шмат зброі, яна значна больш эфектыўная, але яны не гатовыя яе выкарыстоўваць. Адпаведна, калі праз 5 гадоў Расея захавае тыя тэмпы мілітарызацыі і аўтарытарнасці, у якой яна сёння знаходзіцца, у NATO няма ніякага шанцу», – падкрэсліў Падаляк.

Ён таксама дадаў, што Расея рыхтуе плацдарм, калі яна цяпер не пацерпіць паразу ва Украіне.

«Таму адзіная магчымасць перамагчы РФ – перамагчы яе за кошт Украіны, гэта значыць Украіна гэта можа зрабіць», – мяркуе дарадца кіраўніка Офіса прэзідэнта Украіны.

Падаляк падкрэсліў, што калі Украіна не зможа перамагчы Расею, то краінам NATO «варта рыхтавацца да вельмі цяжкіх наступстваў».

Вы можаце падтрымаць сайт Charter97.org наступным чынам:

РАЗЛІКОВЫ МУЛЬТЫВАЛЮТНЫ РАХУНАК ДЛЯ АХВЯРАВАННЯЎ:

Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe

Звязацца з намі можна праз адрас [email protected]