Важная змена для тых, хто жыве ў інтэрнатах, уведзеная ў Беларусі

Што зменіцца.

Змяненні ў палажэнне аб інтэрнатах і тыпавой дамове найму жылога памяшкання дзяржаўнага жыллёвага фонду ў інтэрнаце пачалі дзеянне ў Беларусі, піша БелТА.

Паведамляецца, што скарэктаваная пастанова Саўміна ад 5 красавіка 2013 года №269.

Так, у новай рэдакцыі выкладзены пункт 54. Ён вызначае парадак кампенсацыі стратаў дзяржаўных арганізацый, звязаных з утрыманнем інтэрнатаў і не кампенсаванымі плацяжамі грамадзянаў, якія ў іх жывуць.

Такім чынам, страты кампенсуюцца бюджэтнымі арганізацыямі, супрацоўнікі якіх і іх сем'і пражываюць у інтэрнаце, за кошт бюджэтных і (або) пазабюджэтных сродкаў гэтых арганізацый прапарцыйна плошчы займаных жылых памяшканняў.

Інфармуюць, што калі месцы вылучаныя на хадайніцтва, то за кошт іншых арганізацый, чые супрацоўнікі іх займаюць. А таксама іншых крыніцаў, не забароненых заканадаўствам, таксама прапарцыйна плошчы займаных жылых памяшканняў.

Трэба ўзяць да ўвагі, што калі наймальнікамі з'яўляюцца непрацаздольныя грамадзяне (якія дасягнулі агульнавызначанага пенсійнага веку або якія з'яўляюцца інвалідамі І і ІІ групы), то страты кампенсуюцца мясцовымі выканаўчымі і распарадчымі органамі за кошт сродкаў мясцовых бюджэтаў.

Паведамляецца, што выдаткі, звязаныя з утрыманнем забраняваных жылых памяшканняў у інтэрнаце, да заключэння дамовы найму аплачваюцца са сродкаў мясцовых бюджэтаў.

Вы можаце падтрымаць сайт Charter97.org наступным чынам:

РАЗЛІКОВЫ МУЛЬТЫВАЛЮТНЫ РАХУНАК ДЛЯ АХВЯРАВАННЯЎ:

Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe

Звязацца з намі можна праз адрас [email protected]