Упершыню за 50 гадоў у Марока выпаў снег

Турысты прыязджаюць палюбавацца на заснежаныя пальмы і аазісы.

Упершыню за 50 гадоў у некалькіх правінцыях Марока выпаў снег. На кадрах з паўночнаафрыканскай краіны можна ўбачыць пальмы ў снезе, піша «Фокус».

У правінцыях Азіляль, Бені-Меляль, Іфран, Мідэлт, Тарудант, Танжэр, Уарзазат і Эль-Хаўз вышыня снегу дасягае амаль паўметра. Незвычайныя ўмовы надвор'я суправаджаюцца ліўнямі і маразамі ў цэнтральных, паўднёва-ўсходніх і паўднёвых раёнах да -1 градуса. Сіноптыкі тлумачаць такія незвычайныя для Паўночнай Афрыкі варункі надвор'я дзеяннем халоднага цыклону з Паўночнай Еўропы.

У горных раёнах тэмпература паветра знізілася да 5 градусаў ніжэй за нуль. Жыхары гэтых месцаў патрапілі ў цяжкае становішча: снегапад ізаляваў цэлыя вёскі і заблакаваў дзясяткі дарог.

Мясцовыя ўлады раяць грамадзянам краіны праяўляць асцярожнасць і запасіцца дровамі, каб абагрэць жыллё. Турысты тым часам прыязджаюць палюбавацца на пакрытыя снегам пальмы і аазісы.

Вы можаце падтрымаць сайт Charter97.org наступным чынам:

РАЗЛІКОВЫ МУЛЬТЫВАЛЮТНЫ РАХУНАК ДЛЯ АХВЯРАВАННЯЎ:

Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe

Звязацца з намі можна праз адрас [email protected]