У Беларусі памёр нядаўна судзімы за «экстрэмізм» экс-дырэктар тэатра лялек
19- 2.01.2025, 11:07
- 15,670
Яму было 63 гады.
Сёння, 2 студзеня, памёр экс-дырэктар Гомельскага тэатра лялек Дзмітрый Гарэлік. Яму было 63 гады. Пра гэта ягоныя сябры паведамілі ў сацыяльных сетках, піша «Зеркало».
Дзмітрый Гарэлік атрымаў адукацыю ў будаўнічым тэхнікуме. Але паралельна сам арганізаваў аматарскі калектыў у Доме настаўніка. Калі ў другой палове 1980-х пачаўся кааператыўны рух, ён з таварышам стварыў кааператыў, які займаўся тым, што вырабляў тэатральныя лялькі для продажу дзіцячым садкам, школам, аматарскім гурткам. Некаторы час працаваў інжынерам тэхнагляду, а з 1 чэрвеня 1992 года стаў дырэктарам Гомельскага тэатра лялек.
Гэты калектыў працуе ў Гомелі з 1968 года. Менавіта за Гарэлікам ён у 2002-м атрымаў новы будынак і пераехаў туды праз два гады. Як адзначаецца на сайце калектыву, «гастрольна-фестывальная геаграфія тэатра ахоплівае прастору ад Атлантычнага ўзбярэжжа Гішпаніі да Ціхаакіянскага ўзбярэжжа Уладзівастока, ад сталіцы рэспублікі Комі да выспы Шры-Ланка. <…>. Тэатр неаднаразова станавіўся лаўрэатам і дыпламантам розных Міжнародных тэатральных фестываляў Беларусі, Расеі, Украіны, Казахстана, Таджыкістана, Латвіі, Італіі, Гішпаніі, Славакіі, Нямеччыны, Індыі, Шры-Ланкі і іншых краін».
У студзені 2024 года Гарэліка судзілі паводле ч. 2 ст. 19.11 КоАП (Распаўсюджванне экстрэмісцкіх матэрыялаў). Праваабаронцы тады так і не даведаліся, у чым абвінавачвалі мужчыну і якую пастанову прыняў суд. У жніўні гэтага года стала вядома, што Гарэліка звольнілі. Калі менавіта гэта адбылося, невядома. На 14 траўня 2024 года пасада ўжо была вакантнай. Дарэчы, пасада дырэктара так і засталася вакантнай.
Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe
Звязацца з намі можна праз адрас [email protected]
