У Беларусі чакаецца рост захворвання на ВРІ

Вакцынацыя супраць грыпу даступная на бясплатнай і платнай аснове.

Рост захворвання на ВРІ ў Беларусі чакаецца ў канцы студзеня-лютага. Пра гэта паведаміла намесніца міністра аховы здароўя - галоўная дзяржаўная санітарная лекарка Беларусі Святлана Нячай, піша БелТА.

«Пацвярджаецца прагноз на рост захворвання на рэспіраторныя інфекцыі на канец студзеня - люты. Гэта стандартная сітуацыя, да якой мы вяртаемся ў пасляэпідэмічны перыяд», - сказала Святлана Нячай.

Яна ўдакладніла, што цяпер краіна знаходзіцца ў спрыяльным эпідэміялагічным перыядзе, заўважыўшы, што захворванне ў апошні тыдзень было на 25% ніжэйшым за ўзровень аналагічнага перыяду 2024 года. Спецыялістка дадала, што тэндэнцыя да зніжэння назіраецца на працягу апошніх трох дзён.

У структуры ўзбуджальнікаў, якія цяпер выклікаюць захворванне на рэспіраторныя інфекцыі, пераважаюць негрыпозныя вірусы: парагрыпу, адэнавірусы, рэспіраторна-сінцыцыяльны вірус, бакавірус. Акрамя таго, прысутнічае бактэрыяльная флора - мікоплазма пнеўманіі.

У Міністэрстве аховы здароўя дадалі, што вакцынацыя супраць грыпу даступная на бясплатнай і платнай аснове.

Вы можаце падтрымаць сайт Charter97.org наступным чынам:

РАЗЛІКОВЫ МУЛЬТЫВАЛЮТНЫ РАХУНАК ДЛЯ АХВЯРАВАННЯЎ:

Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe

Звязацца з намі можна праз адрас [email protected]