ЕЗ гатовы да спынення транзіту газу з РФ праз Украіну

Еўрапейская інфраструктура дастаткова гнуткая, каб газ з трэціх краін паступаў па альтэрнатыўных маршрутах.

Еўразвяз гатовы да спынення транзіту расейскага газу праз Украіну. Пра гэта заявіла прадстаўніца Еўракамісіі (ЕК), якую ў панядзелак, 30 снежня, працытавала агенцтва dpa, паведамляе "Нямецкая хваля".

З ейных слоў, еўрапейская інфраструктура - дастаткова гнуткая, каб газ з трэціх краін паступаў па альтэрнатыўных маршрутах у Цэнтральную і Усходнюю Еўропу. "Уплыў спынення транзіту праз Украіну на забеспячэнне бяспекі паставак ЕЗ абмежаваны", – запэўнівае яна.

Імпарт ЗПГ і аднаўляльныя крыніцы энэргіі

У ЕК заявілі, што працавалі ў каардынацыі з краінамі-сябрамі еўрапейскай супольнасці ўжо больш за год, каб падрыхтавацца да альтэрнатыўных схемаў. Газавая інфраструктура Еўропы ўмацавалася дзякуючы значным магутнасцям па імпарце звадкаванага прыроднага газу (ЗПГ), дадалі там.

У апошнія гады захады па павышэнні энэргаэфектыўнасці і пашырэнні выкарыстання аднаўляльных крыніц энэргіі таксама ўзмацнілі надзейнасць газазабеспячэння, заявілі ў Еўракамісіі далей.

Вы можаце падтрымаць сайт Charter97.org наступным чынам:

РАЗЛІКОВЫ МУЛЬТЫВАЛЮТНЫ РАХУНАК ДЛЯ АХВЯРАВАННЯЎ:

Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe

Звязацца з намі можна праз адрас [email protected]