Расейскай энэргасістэме зімой пагражае калапс

Нават без масавых нападаў.

Міністр энэргетыкі Расеі Сяргей Цывілёў паскардзіўся, што краіна вычарпала рэзервы ўстойлівасці энэргасістэмы краіны, якія былі створаныя ў часы СССР, а для мадэрнізацыі галіны бракуе сродкаў, таму зімой краіну могуць чакаць цяжкасці.

«Асноўная прычына - недафінансаванне мадэрнізацыі абсталявання і падтрыманне яго ў нарматыўным стане», - заявіў расейскі міністр у інтэрв'ю дзяржагенцтву ТАСС.

Ён удакладніў, што, напрыклад, энэргасістэма Далёкага Усходу Расеі ўваходзіць у асенне-зімовы перыяд без неабходнага рэзерву генерыруючых магутнасцей, у тым ліку праз перанос капрамонту шэрага цеплаэлектрастанцый. Таму існуе высокая рызыка аварый.

У той жа час расейскія энэргетыкі адзначаюць, што праз некалькі гадоў з дэфіцытам электраэнэргіі ў РФ можа сутыкнуцца нават Масква. Да 2030 года расейскай сталіцы пагражае недахоп 1,6 гігаВата магутнасці, а да 2042 года - 4,2 гігаВата. Фізічны знос электрасетак рэгіёну складае амаль 70% для размеркавальных сетак і блізу 50% - для магістральных.

Вы можаце падтрымаць сайт Charter97.org наступным чынам:

РАЗЛІКОВЫ МУЛЬТЫВАЛЮТНЫ РАХУНАК ДЛЯ АХВЯРАВАННЯЎ:

Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe

Звязацца з намі можна праз адрас [email protected]