Яшчэ адзін горад Беларусі перавялі на каранцін праз небяспечнага шкодніка

Жыхарам паведамілі, што рабіць пры сустрэчы з кузуркамі.

Днямі стала вядома, што ў Пінску абвясцілі карантын праз амерыканскага белага матыля. Высветлілася, шкоднікаў шукаюць не толькі ў горадзе на Пінску, але яшчэ і ў Кобрыне. Тут частка райцэнтра таксама на карантыне, піша Vkobrine.by. Кіраўнікі мясцовых арганізацый, прадпрымальнікі і звычайныя гараджане павінны "забяспечыць няўхільнае выкананне карантынных фітасанітарных мерапрыемстваў".

Карантын праз амерыканскага белага матыля ў Кобрыне ўстанавілі яшчэ 30 жніўня. Закранае ён квартал, абмежаваны вуліцамі Леніна, Савецкая, Новы мост, Пралетарская, Каралёва, Кутузава, Фестывальная, Верталётная, Штабная, Настасіча, Калініна.

У мясцовай інспекцыі насенняводства, карантыну і абароны раслін расказалі, што рабіць, убачыўшы шкодніцу. Па меры з'яўлення павуцінневых гнёздаў з гусеніцамі іх варта зразаць і спальваць. Апошняе неабходна рабіць на спецыяльна адведзеных для гэтага ўчастках, пры гэтым выконваючы правілы экалагічнай бяспекі. Адвозіць туды "заражаныя раслінныя адкіды" трэба ў крытым транспарце.

Людзям, якія працуюць у карантыннай зоне, рэкамендуюць чысціць транспарт, інструменты, тару, адзенне і абутак.

— Усе работы, звязаныя з лакалізацыяй і ліквідацыяй асяродку амерыканскага белага матыля, праводзяцца за кошт землекарыстальнікаў, — адзначыла Іна Кульгавеня, вядучая аграномка дзяржаўная інспектарка Кобрынскай раённай інспекцыі насенняводства, карантыне і абароны раслін.

Нагадаем, характэрная прыкмета асяродку амерыканскага белага матыля — павуцінневыя гнёзды з калоніямі гусеніц. Спачатку могуць быць аплецены некалькі лісточкаў, пазней - цэлая галінка. Разрастаючыся, гнёзды могуць дасягаць 1-1,5 м, а часам і захопліваць "у палон" цэлыя дрэвы.

Шкодніца - не новая з'ява для поўдня Беларусі. Тамака яе заўважаюць ужо як мінімум чацвёрты год. Яшчэ ў 2021-м у Лунінцы ўводзілі карантын на тры гады з-за гэтага шкодніка. Сёлета матылькоў заўважалі, напрыклад, у Добрушскім раёне на Гомельшчыне.

Вы можаце падтрымаць сайт Charter97.org наступным чынам:

РАЗЛІКОВЫ МУЛЬТЫВАЛЮТНЫ РАХУНАК ДЛЯ АХВЯРАВАННЯЎ:

Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe

Звязацца з намі можна праз адрас [email protected]