Кітай адмовіўся пастаўляць у Беларусь цягнікі

Названая прычына.

Кітай канчаткова адмовіўся пастаўляць у Беларусь 15 новых цягнікоў праз боязь трапіць пад санкцыі ЗША.

У чэрвені КНР адклала пастаўку ў Беларусь 15 новых грузавых электравозаў БКГ2, якія павінны былі быць пастаўленыя яшчэ напрыканцы 2023 года.

Тады паведамлялася, што новыя тэрміны паставак перанесены на 2025-26 гг. Аднак як цяпер высветліла «Беларуская чыгуначная супольнасць», Кітай увогуле адмовіўся пастаўляць у Беларусь гэтыя цягнікі праз асцярогу трапляння пад санкцыі.

Згодна з дакументамі, якія апынуліся ў распараджэнні чыгуначнікаў, вытворца гэтых цягнікоў, кітайская кампанія «CRRC Datong Co., Ltd.» «не дала камерцыйную прапанову з прычыны наяўнасці амерыканскіх дэталяў у складзе лакаматываў» і «ў ліпені 2024 года пазначыла немагчымасць далейшага прасоўвання праекта ў сувязі з санкцыйнымі асцярогамі». А таксама прапанавала вярнуцца да рэалізацыі праекту пасля «нармалізацыі сітуацыі».

Вядома, што замену гэтым цягнікам цяпер будуць шукаць у Расеі, дзе альтэрнатывай БКГ2 могуць выступіць толькі лакаматывы вытворчасці АТ «Трансмашхолдынг» (ТМХ) і ААТ «Сінара-Транспартныя Машыны» (СТМ). І паказальна, што ўжо 5 верасня 2024 г. у Менск на сустрэчу з БЧ прыязджала кіраўніцтва АТ «Трансмашхолдынг», з якім была праведзеная рабочая сустрэча па тэме «далейшага ўзаемнага супрацоўніцтва па абнаўленні парку рухомага складу і абсталявання».

Вы можаце падтрымаць сайт Charter97.org наступным чынам:

РАЗЛІКОВЫ МУЛЬТЫВАЛЮТНЫ РАХУНАК ДЛЯ АХВЯРАВАННЯЎ:

Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe

Звязацца з намі можна праз адрас [email protected]