«Насралу забілі, калі ён глядзеў прамову Нетаньяху ў ААН»

Як Ізраіль перагуляў верхавода «Хезбалы».

Прэм'ер-міністр Ізраіля Біньямін Нетаньяху ўдзельнічаў у аперацыі падману верхавода «Хезбалы» Хасана Насралы.

Падрабязнасці плану расказаў The Telegraph высокапастаўлены ізраільскі чыноўнік.

Нетаньяху пакінуў Ізраіль і рушыў у Нью-Ёрк, каб «увесці ў зман» лідара «Хезбалы», прымусіўшы яго думаць, што ён у бяспецы.

Выступ Нетаньяху на Генеральнай Асамблеі ААН быў часткай «падманнага плану», які быў накіраваны на тое, каб прымусіць Хасана Насралу паверыць, што Ізраіль не будзе праводзіць сілавую аперацыю, пакуль прэм'ер-міністр знаходзіцца за межамі краіны.

Ізраіль нанёс удар па Бейруце ў пятніцу, магутная паветраная атака стрэсла ліванскую сталіцу. Паводле словаў чыноўніка, Насрала, як мяркуецца, глядзеў выступ Нетаньяху праз тэлевізар «і быў атакаваны ізраільскімі ВПС».

«Нетаньяху ўхваліў гэты ўдар перад сваім выступам на Генеральнай Асамблеі ААН», – дадаў чыноўнік.

Атака адбылася праз некалькі хвілінаў пасля таго, як Нетаньяху паабяцаў прадоўжыць аперацыі супраць «Хезбалы» падчас свайго выступу ў ААН.

Прэм'ер-міністр Ізраіля выступіў з катэгарычнай прамовай, заявіўшы дэлегатам, што Ізраіль будзе «прадаўжаць аслабляць "Хезбалу" да таго часу, пакуль усе мэты не будуць дасягнутыя».

Ізраіль абвясціў пра забойства Хасана Насралы ў выніку дакладнага авіяўдару. Разам з ім былі забітыя высокапастаўленыя камандзіры «Хезбалы».

Вы можаце падтрымаць сайт Charter97.org наступным чынам:

РАЗЛІКОВЫ МУЛЬТЫВАЛЮТНЫ РАХУНАК ДЛЯ АХВЯРАВАННЯЎ:

Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe

Звязацца з намі можна праз адрас [email protected]