У Беларусі забаранілі прадаваць папулярны напой з Расеі
8- 28.09.2024, 13:12
- 6,790
Усю прадукцыю тэрмінова адбіраюць з крамаў.
Слабаалкагольны чырвоны паўсалодкі напой Santo Stefano забаранілі прадаваць у Беларусі. Адпаведную пастанову прыняў Дзяржстандарт.
Прадукт вырабляе АТ «Еўразійская алкагольная група» ў расейскім горадзе Раменскае.
У экспертаў Дзяржстандарта ўзніклі сумневы ў бяспецы напою. У яго складзе заяўлены дыаксід серы (Е220), недапушчальны для гэтага віду прадукцыі.
Забарона пачне дзеянне з 2 кастрычніка. Усю прадукцыю, якая ўжо паступіла на паліцы крамаў, павінны выключыць з продажу.