Літва скасоўвае чарговую дамову з Беларуссю

Дамова была падпісаная яшчэ ў 1996-м годзе.

Урад Літвы ўхваліў ініцыятыву Міністэрства фінансаў аб скасаванні дамовы аб мытным супрацоўніцтве з Беларуссю. Цяпер Вільня павінна накіраваць ноты праз дыпламатычныя каналы, пасля чаго тэрмін пагадненняў скончыцца праз паўгода. Нагадаем, абедзве стараны падпісалі дамову яшчэ ў 1996 годзе. Такім чынам яна праіснавала амаль 30 гадоў.

"Улічваючы геапалітычную сітуацыю, а таксама той факт, што на практыцы памежнае гандлёва-эканамічнае супрацоўніцтва поўнасцю прыпыненае і немагчымае з гэтымі дзяржавамі, пагадненні мэтазгодна дэнансаваць", - падкрэслілі ў Міністэрстве фінансаў Літвы.

Там дадалі, што двухбаковыя пагадненні аб супрацоўніцтве і ўзаемадапамозе ў галіне мытнай дзейнасці, укладзеныя Вільняй яшчэ да ўступлення Літвы ў Еўразвяз, таксама не маюць больш "практычнай каштоўнасці".

Нагадаем, раней Сейм Літвы прыняў пастанову аб дэнансацыі пагадненняў з Беларуссю і Расеяй, якія тычацца заахвочвання і абароны ўзаемных інвестыцый.

Вы можаце падтрымаць сайт Charter97.org наступным чынам:

РАЗЛІКОВЫ МУЛЬТЫВАЛЮТНЫ РАХУНАК ДЛЯ АХВЯРАВАННЯЎ:

Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe

Звязацца з намі можна праз адрас [email protected]