Сузаснавальнік беларускіх стартапаў MSQRD і Loóna запусціў новы праект

Чарговы стартап звязаны са штучным інтэлектам.

Сяргей Ганчар, які быў сярод сузаснавальнікаў стартапаў MSQRD і Loóna, распавёў у сацсетках аб сваім новым праекце. Чарговы стартап беларуса звязаны са штучным інтэлектам, піша OL.

Новы праект Ганчара называецца Animation Inc. Размова ідзе аб кампаніі для распрацоўкі ШІ-анімацыі. У ім задзейнічаны былыя інжынеры Meta, а таксама стваральнікі фільтраў і масак для твару Instagram. У камандзе таксама пазначаны сузаснавальнік MSQRD Яўген Зацяпякін. Сам жа Сяргей Ганчар займае пазіцыю CEO.

Стартап працуе над новай мадэллю анімацыі для мабільных прылад. Яна ажыўляе віртуальных персанажаў.

Дарэчы, летась стартап беларусаў Loóna звольніў частку каманды і пераключыўся з мабільнага дадатку для падрыхтоўкі да сну на VR. Сярод інвестараў праекта была супермадэль Наталля Вадзянава.

Што тычыцца стартапа MSQRD, створанага беларусамі Яўгенам Неўгенем, Сяргеем Ганчаром і расейцам Яўгенам Зацяпякіным, яго рэліз адбыўся ў App Store у канцы 2015 года. А ўжо ў сакавіку 2016-га было абвешчана, што яго набыў Facebook. Часцей за ўсё называюць суму ад $10 млн да $20 млн.

Вы можаце падтрымаць сайт Charter97.org наступным чынам:

РАЗЛІКОВЫ МУЛЬТЫВАЛЮТНЫ РАХУНАК ДЛЯ АХВЯРАВАННЯЎ:

Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe

Звязацца з намі можна праз адрас [email protected]