Амаль 250 чалавек загінулі ад рук расейскіх вайскоўцаў, якія вярнуліся з Украіны

Агульная колькасць пацярпелых склала як мінімум 469 жыхароў РФ.

З пачатку вайны ва Украіне расейскія вайскоўцы, якія вярнуліся з фронту, забілі 242 чалавекі і нанеслі цяжкія калецтвы яшчэ 227, падлічыла «Верстка» на аснове звестак судоў і паведамленняў СМІ. Такім чынам, агульная колькасць пацярпелых склала як мінімум 469. Ахвярамі злачынстваў вайскоўцаў сталі жыхары 80 рэгіёнаў Расеі.

Усяго было распачата 350 крымінальных спраў. З іх 114 - аб забойствах (артыкул 105 КК), у выніку якіх загінулі 139 чалавек. 85 расейцаў сталі ахвярамі 75 былых зняволеных, завербаваных на вайну з калоній, яшчэ 54 загінулі ад рук 39 вайскоўцаў.

Сярод іншых злачынстваў, якія скончыліся смерцю, 64 выпадкі нанясення цяжкіх цялесных пашкоджанняў (артыкул 111 КК, 64 загінулыя), 20 парушэнняў ПДР (артыкул 264 КК, 31 загінулы), пяць выпадкаў прычынення смерці па неасцярожнасці (109 КК, пяць загінулых), схіленні да ўжывання наркотыкаў (артыкул 230 КК, двое непаўналетніх ахвяр) і адно забойства з перавышэннем межаў неабходнай абароны (артыкул 108 КК).

У асноўным злачынствы ўчыняюць былыя зняволеныя, завербаваныя на фронт - 246 чалавек. Таксама іх ахвярамі часцей становяцца жанчыны. Яшчэ 180 абвінавачаных - звычайныя вайскоўцы. Са 125 памілаваных і ўмоўна вызваленых удзельнікаў вайны, якія забілі або прычынілі калецтвы, якія пацягнулі смерць, 54 раней мелі судзімасць за аналагічныя злачынствы, яшчэ тры - за згвалтаванні.

Большасць злачынстваў маюць бытавы характар і адбываюцца праз ужыванне алкаголю. Ахвярамі ўдзельнікаў вайны з Украінай часцей становяцца людзі з іх атачэння: блізкія, суседзі і знаёмыя. Самым «распаўсюджаным» злачынствам з'яўляецца наўмыснае прычыненне цяжкай шкоды здароўю, небяспечнай для жыцця. Журналісты налічылі як мінімум 220 падобных дзеянняў, праз якія 64 чалавекі загінулі і 158 атрымалі калецтвы, што прывялі ў тым ліку да інваліднасці. Тэрміны па такіх справах для завербаваных у калоніях складаюць ад 4 да 12 гадоў калоніі строгага рэжыму і ад 4 да 10 гадоў строгага рэжыму” для іншых байцоў.

Яшчэ 66 тых, хто выжыў, атрымалі цяжкія траўмы ў выніку замахаў на забойства, перавышэнні самаабароны, а таксама па неасцярожнасці і парушэнні ПДР удзельнікамі вайны.

Траціна ўсіх ахвяр – жанчыны, у тым ліку непаўналетнія: 32 з 85 (38%) – у экс-вязняў і 17 з 55 (31%) – вайсковых. Пры гэтым пяць з 17 загінулых жанчыны” – гэта не наўмысныя, а выпадковыя ахвяры ўчыненага вайскоўцам Станіславам Іонкіным пажару ў клубе “Палігон”.

Тэрміны па ўжо вынесеных прысудах у былых вязняў складаюць ад 6 да 14 гадоў калоніі строгага рэжыму, у астатніх вайскоўцаў – ад 7 да 10 гадоў строгага рэжыму. Некаторым «ветэранам СВА» прызначылі больш суровыя пакаранні, аж да пажыццёвага пазбаўлення волі. Напрыклад, экс-вязень Віктар Будзін атрымаў 19 гадоў строгага рэжыму за забойства двух суседзяў-пенсіянераў. А першым пажыццёва прыгавораным стаў Рыгор Старыкаў, які забіў трох знаёмых.

Пры гэтым з 292 апублікаваных прысудаў толькі ў 15% удзельнікаў вайны суддзі не ўлічылі ў якасці змякчальнай акалічнасці іх удзел у вайне. Яго згадвалі нават пры прызначэнні пакарання Старыкаву. Акрамя гэтага ў некаторых выпадках улічваліся атрыманыя «дзяржузнагароды», «удзел у дзейнасці УС РФ», а таксама «супрацьпраўныя паводзіны пацярпелых». Так, за забойствы па неасцярожнасці ці ў выпадках, калі пацярпелыя выжываюць, экс-вайскоўцы звычайна атрымліваюць мінімальныя і ўмоўныя тэрміны.

Пры гэтым суды часцей за ўсё ігнаруюць алкаголь як абцяжарваючую акалічнасць пры вынясенні выракаў. І для памілаваных, і для вайскоўцаў яе ўлічылі менш чым у траціне выпадкаў.

Вы можаце падтрымаць сайт Charter97.org наступным чынам:

РАЗЛІКОВЫ МУЛЬТЫВАЛЮТНЫ РАХУНАК ДЛЯ АХВЯРАВАННЯЎ:

Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe

Звязацца з намі можна праз адрас [email protected]