Вайсковыя пенсіянеры пазбавяцца пенсій, калі з'едуць жыць у «недружалюбныя краіны»

Падрабязнасці.

Вайсковыя пенсіянеры пазбавяцца пенсій, калі з'едуць жыць у «недружалюбныя краіны». Такая норма закладзеная ў законапраект, які адобрыла верхняя «палата» парламента.

Законапраект вызначае адзіныя ўмовы і парадак пенсійнага забеспячэння былых вайскоўцаў і сілавікоў.

Дакумент прадугледжвае прадаўжэнне выплаты пенсій вайсковым пенсіянерам дзяржаў, якія падпісалі з Беларуссю міжнародныя дамовы, а таксама іх сямейнікам.

Акрамя таго, законапраект вызначае, як будуць выплачваць пенсіі тым былым сілавікам, якія выехалі жыць за мяжу. Напрыклад, тыя вайсковыя пенсіянеры, якія з'едуць жыць у «недружалюбныя краіны», пазбавяцца пенсій, растлумачыў член «савета рэспублікі» Валерый Гайдукевіч.

«Канкрэтызуюцца катэгорыі, якія будуць атрымліваць пенсійнае забеспячэнне на тэрыторыі Рэспублікі Беларусь і пры выбыцці з нашай краіны. Таксама ён датычыцца сямейнікаў пенсіянераў. Прадугледжваюцца пэўныя льготы для тых, хто пражывае на тэрыторыі Беларусі, а хто выязджае ў недружалюбныя краіны - яны пазбаўляюцца іх.

Гэта датычыцца тых людзей, якія цяпер прымаюць пастанову пакінуць Беларусь. Яны павінны разумець, што пенсіяй яны забяспечвацца не будуць», - заявіў Гайдукевіч.

Законапраект быў ухвалены верхняй палатай «парламента».

Вы можаце падтрымаць сайт Charter97.org наступным чынам:

РАЗЛІКОВЫ МУЛЬТЫВАЛЮТНЫ РАХУНАК ДЛЯ АХВЯРАВАННЯЎ:

Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe

Звязацца з намі можна праз адрас [email protected]