У Мазыры для чыноўнікаў купілі «залатыя» значкі

За 22 тысячы тысяч рублёў.

Да 100-годдзя Мазырскага раёна, якое адзначалі 21 верасня, мясцовыя ўлады замовілі 250 юбілейных значкоў з гістарычным гербам Мазыра. Кожны з іх каштаваў 90 рублёў (амаль 30 даляраў), піша «Флагшток».

Усяго на значкі з бюджэту выдаткавалі 22 500 рублёў.

Адзначаецца, што Мазырскі райвыканкам раней для гэтых мэт праводзіў дзяржаўныя закупкі. Два тэндары - на сумы па дзевяць тысяч рублёў (па сто значкоў) і яшчэ адзін на 4 тысячы 500 рублёў (50 значкоў).

Паводле ўмоў таргоў, значкі павінны былі быць вырабленыя са срэбра 925-й пробы, латуні і радыю. Нагрудныя знакі павінны былі мець залачэнне і пакаванне.

Вырабілі ўзнагароды на гомельскім прадпрыемстве "Крышталь".

Значкамі ўзнагародзілі чыноўнікаў, дэпутатаў, кіраўнікоў прадпрыемстваў і арганізацый, праваслаўных святароў. Таксама некалькі ўзнагарод дасталася ветэранам працы.

Вы можаце падтрымаць сайт Charter97.org наступным чынам:

РАЗЛІКОВЫ МУЛЬТЫВАЛЮТНЫ РАХУНАК ДЛЯ АХВЯРАВАННЯЎ:

Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe

Звязацца з намі можна праз адрас [email protected]