Кіраўнік МЗС Польшчы правёў лекцыю гісторыі для расейцаў у ААН

І расказаў, чаму сучасная Расея нічым не адрозніваецца ад нацыстаў.

Міністр замежных спраў Польшчы Радаслаў Сікорскі, выступаючы на пасяджэнні Рады Бяспекі ААН 24 верасня, заявіў, што Расейская Федэрацыя чыніць генацыд, выкрадаючы дзяцей на часова акупаваных украінскіх тэрыторыях. Ён параўнаў расейцаў з нацыстамі часоў Другой сусветнай вайны. Мерапрыемства трансляваў сайт ААН.

Сікорскі зняпраўдзіў заявы прадстаўніка РФ у ААН Васіля Нябензі, у тым ліку аб тым, што Расея не бамбіць цывільныя аб'екты ва Украіне.

Ён распавёў пра сваю нядаўнюю паездку ў Львоў, дзе расейская ракета патрапіла ў жылы дом, у выніку чаго загінулі дзеці.

Таксама нагадаў, што расейскі рэжым выкрадае ўкраінскіх дзяцей і вывозіць да сябе, каб зрабіць з іх расейцаў. Сікорскі заявіў, што ў Расеі дзецям "прамываюць мазгі", каб пазбавіць успамінаў і нацыянальнай ідэнтычнасці.

"Чым тое, што вы робіце з выкрадзенымі ўкраінскімі дзецьмі, адрозніваецца ад таго, што нямецкія нацысты рабілі з вашымі і нашымі дзецьмі?" - спытаў Сікорскі ў Нябензі, падкрэсліўшы, што "выкраданне дзяцей у іншых краінах раўназначна генацыду, як нядаўна пацвердзіла Парламенцкая асамблея Рады Еўропы".

"Гэта ганьба Расеі, якая не будзе дараваная або забытая", — заявіў Сікорскі.

Акрамя таго, ён зняпраўдзіў фальшывыя заявы Нябензі аб тым, што СССР нібыта не супрацоўнічаў з нацыстамі падчас супольнага ўварвання ў Польшчу ў 1939 годзе. І паказаў Нябензю сумеснае фота савецкіх салдат і нацыстаў.

Вы можаце падтрымаць сайт Charter97.org наступным чынам:

РАЗЛІКОВЫ МУЛЬТЫВАЛЮТНЫ РАХУНАК ДЛЯ АХВЯРАВАННЯЎ:

Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe

Звязацца з намі можна праз адрас [email protected]