25 верасня 2024, Серада, 0:23
Падтрымайце
сайт
Сім сім,
Хартыя 97!
Рубрыкі

Расея паставіла на дадатковы кантроль мяса з Беларусі

4
Расея паставіла на дадатковы кантроль мяса з Беларусі

Што з ім не так.

Федэральная служба ветэрынарнага і фітасанітарнага нагляду РФ (Рассельгаснагляд) увяла рэжым узмоцненага лабараторнага кантролю ў дачыненні да шэрагу беларускіх вытворцаў.

У афіцыйным лісце ўстановы паведамляецца, што на пяці фабрыках выяўленыя неадпаведнасці якасці прадукцыі.

Сярод іншага, Рассельгаснагляд выявіў:

сальманелу ў мясе птушкі (ААТ «Птушкафабрыка “Світанак”»)

бактэрыі групы кішачнай палачкі ў паўфабрыкатах з птушкі (філіял «ЮНІМІТ» ААТ «Смалявічы Бройлер»)

амінаантыпірын у ялавічыне (ТАА «Белмітфуд», ААТ «Віцебскі мясакамбінат»)

бензілпеніцылін у гатовых мясных вырабах (ААТ «Белавежскі»).

Небяспечныя дзіцячыя кансервы

Нагадаем, раней Рассельгаснагляд знайшоў у беларускіх дзіцячых кансервах забароненае для гэтага тыпу прадуктаў хімічнае злучэнне.

Так, у харчаванні з мяса птушкі для малых выявілі энрафлаксацын (антыбіётык), прычым паўторна.

У выніку кампанія «Белфуд Прадакшн», якая вырабіла гэты прадукт, часова не зможа пастаўляць у РФ гэтую прадукцыю.

Адзначым, што «Белфуд Прадакшн» робіць пюрэ, сокі, нектары пад брэндам «Маленькае шчасце».

Напісаць каментар 4

Таксама сачыце за акаўнтамі Charter97.org у сацыяльных сетках