У Паўночным моры дрэйфуе судна з выбухованебяспечным грузам з РФ

Пяць партоў адмовілі яму ў рамонце.

Ужо некалькі дзён у Паўночным моры дрэйфуе сухагруз Ruby, які перавозіць выбухованебяспечную салетру з Расеі. Судна мае патрэбу ў рамонце, аднак у шэрагу краін яму адмовілі ў заходзе ў парты з меркаванняў бяспекі, піша Bild.

Ужо некалькі дзён сухагруз Ruby пад сцягам Мальты дрэйфуе ў Паўночным моры. На яго борце - 20 000 тон аміячнай салетры, якая выкарыстоўваецца для вытворчасці угнаенняў. Менавіта гэтае рэчыва ўзарвалася ў порце Бейрута ў 2020 годзе. Ruby прыняла яго на борт у канцы жніўня ў Кандалакшы (Мурманская вобласць Расеі) і ішла з ім у Гішпанію. Праз некалькі дзён судна патрапіла ў шторм і пашкодзіла стырно. З таго часу яно абмежаванае ў манеўрах.

Ruby спрабавала зайсці на рамонт у порт Трамсё ў Нарвегіі. Але праз выбуханебяспечны груз ёй адмовілі. Тады месцам правядзення рамонту выбралі Клайпеду ў Літве. Але і тамтэйшыя ўлады адпрэчылі заяўку. Гэтак жа паступілі швэдскія парты Гётэборг і Удэвала. Сухагруз надумаў ісці на Мальту. Але порт Валета таксама адмовіў у заходзе, заявіўшы, што спачатку ён павінен выгрузіць салетру.

Эксперты падзяляюць асцярогі ўлад тых краін, якія адмовілі Ruby ў рамонце. На меркаванні ангельскага аналітыка Роланда Алфарда, груз на борце мае такую ж выбухную сілу, як атамныя бомбы ў Хірасіме і Нагасакі, піша часопіс Newsweek. Джэйкаб Каарсба з дацкага аналітычнага цэнтра Europe распавёў тэлеканалу DR, што Ruby паводзіла сябе «падазрона». З яго слоў, не выключана, што гэта частка гібрыднай аперацыі РФ.

Вы можаце падтрымаць сайт Charter97.org наступным чынам:

РАЗЛІКОВЫ МУЛЬТЫВАЛЮТНЫ РАХУНАК ДЛЯ АХВЯРАВАННЯЎ:

Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe

Звязацца з намі можна праз адрас [email protected]