«Чыноўнікі баяцца нават мяне, лядашчай пенсіянеркі!»

Беларуска расказала пра паход на прыём да мясцовых уладаў.

Чытачка сайта Charter97.org піша пра паход на прыём да чыноўнікаў. Як высветлілася, трапіць на прыём нават да мясцовых уладаў - сапраўдны квэст:

- Сяджу я на пенсіі, падзецца ў нашым невялікім мястэчку няма куды, пенсія малая, дачцэ дапамагчы хочацца, таму надумала я ўзяць сабе ў арэнду невялікі пляц зямлі пад агарод, піша наша чытачка Алена.

З гэтай прычыны атрымала я з падатковай ліст з патрабаваннем аплаціць зямельны падатак, але быў ён нейкі высокі, таму наважыла я схадзіць на прыём да “слуг народа”. Сядзяць яны ў нас у цэнтры мястэчка ў будынку, які местачкоўцы называюць “белым домам”. Што абсалютная праўда, бо патрапіць туды — гэта задача з зорачкай. Нібы ў Капітолій! Спачатку трэба прыйсці на вахту і запісацца на прыём. Усё ж дзейнічае сістэма аднаго акна, а ўжо колькі парогаў ты абаб’еш, пакуль дойдзеш – гэта ўжо нікога не цікавіць.

Дачакалася я сваёй даты, адзела свой найлепшы пенсіянерскі ўбор дый рушыла. Але імпэт мой быў знішчаны дарэшты на кантрольным пункце. Спачатку ў мяне спраўдзілі дакументы, а менавіта пашпарт. Пасля па ўсіх маіх старэчых касцях прайшліся металашукальнікам, ну і, не знайшоўшы аніякай паўстанцкай зброі, запатрабавалі вытрасці рыдыкюль, каб пераканацца, што я не нясу ніякай пагрозы для служак народу.

Прайшла я ўсе гэтыя прыніжальныя для маёй годнасці працэдуры і, падымаючыся па сходах, падумала, што ведаюць служкі народа, як іх той народ любіць, таму сядзяць і трасуцца. Баяцца нават мяне, лядашчай пенсіянеркі!

Вы можаце падтрымаць сайт Charter97.org наступным чынам:

РАЗЛІКОВЫ МУЛЬТЫВАЛЮТНЫ РАХУНАК ДЛЯ АХВЯРАВАННЯЎ:

Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe

Звязацца з намі можна праз адрас [email protected]