Колькі зараз каштавацьме пляц недалёка ад Менска?

Вынікі зямельнага аўкцыёну.

Сёння адбыўся аўкцыён продажу зямельных надзелаў у прыватную ўласнасць грамадзян РБ для будаўніцтва жылых дамоў у вёсках, размешчаных на тэрыторыі Забалоцкага сельсавета Смалявіцкага раёна Менскай вобласці, піша Realt.

Удзельнікам аўкцыёну было прапанавана 4 лоты — зямельныя надзелы ў вёсках Ганчароўка (2), Мікалаевічы і Масцішчы.

Лот № 1 - участак з кадастравым нумарам 624 882 001 601 000 448 знаходзіцца ў в. Ганчароўка на вул. Палявой 7Б. Населены пункт размешчаны прыкладна за 21 кіламетр ад МКАД. Плошча пляца складае 7,9 соткі. Маецца магчымасць падключэння аб'екта будаўніцтва да сетак электра-, вода-і газазабеспячэння.

Лот быў выстаўлены на продаж за 15 000 рублёў. На яго было пададзена 5 заявак. пляц прададзены за 32 153 рублі, ці 10 000 даляраў афіцыйным курсам Нацбанка на дзень правядзення аўкцыёну.

Лот № 2 - пляц з кадастравым нумарам 624882004101000358 размешчаны ў в. Мікалаевічы на вул. Падгорнай, 11А. Населены пункт знаходзіцца прыкладна за 33 кіламетры ад МКАД. Зямельны надзел налічвае 15 сотак. Ёсць магчымасць падвядзення да дома электрычнасці, вады і газу.

Пляц быў ацэнены на 25 000 рублёў. На яго прэтэндаваў адзін чалавек. Лот прададзены адзінаму заяўніку за 26250 рублёў, або 8164 даляра.

Лот № 3 — надзел з кадастравым нумарам 624 882 003 601 000 192 знаходзіцца ў в. Масцішча. Плошча надзелу складае 15 сотак. Населены пункт размешчаны прыкладна за 31 кіламетр ад сталіцы. Магчымасць падключэння аб'екта будаўніцтва да інжынерных сетак адсутнічае.

Лот быў выстаўлены на гандаль за 15 000 рублёў. На яго была пададзеная адна заяўка. Пляц прададзены за 15 750 рублёў, ці 4 899 даляраў.

Лот № 4 – надзел з кадастравым нумарам 624882001601000381 знаходзіцца ў в. Ганчароўка. Плошча пляцу складае 14,79 соткі. Няма магчымасці падлучэння аб'екта будаўніцтва да інжынерных сетак.

Лот быў выстаўлены на таргі за 30 000 рублёў. На яго было пададзена 3 заяўкі. Пляц прададзены за 53 146 рублёў, або 16 530 даляраў.

Арганізатарам аўкцыёну выступіў Забалоцкі сельсавет. Ён размешчаны за 5 кіламетраў на паўднёвы захад ад г. Смалявічы і 36 кіламетраў ад г. Менска па аўтамабільнай дарозе Смалявічы — Самахвалавічы. Мяжуе з Драчкоўскім, Азярыцка-Слабадскім, Пекалінскім сельсаветамі і г. Смалявічы.

Вы можаце падтрымаць сайт Charter97.org наступным чынам:

РАЗЛІКОВЫ МУЛЬТЫВАЛЮТНЫ РАХУНАК ДЛЯ АХВЯРАВАННЯЎ:

Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe

Звязацца з намі можна праз адрас [email protected]