У Расеі замарозілі два газавыя мегапраекты

Санкцыі працуюць.

Адна з найбуйнейшых расейскіх кампаній «Новатэк», якая спецыялізуецца на здабычы прыроднага газу, вымушаная згортваць самыя амбіцыйныя праекты. Прычынай такой пастановы сталі заходнія санкцыі супраць кампаніі.

УНІАН са спасылкай на расейскае выданне «Коммерсант» піша, што гаворка ідзе пра Мурманск LNG, які павінен быў стаць найбуйнейшым у Расеі заводам па звадкаванні газу - тры лініі па 6,8 млн тон кожная, і LNG у арктычным порце Сабеце - дзве лініі звадквання па 3 млн тон кожная.

Абодва праекты замарожаныя, і калі «Новатэк» вернецца да распрацоўкі гэтых праектаў, невядома, бо кампанія засяродзілася на дабудоўванні Арктык LNG-2 і наладжванні адгрузак з арктычнага завода.

Акрамя таго, праз санкцыі «Новатэк» можа засяродзіцца на будаўніцтве Обскага газахімічнага комплексу, дзе плануюць вырабляць аміяк і карбамід для экспарту праз Паўночны Ледавіты акіян у краіны Азіяцка-Ціхаакіянскага рэгіёну.

Адзначаецца, што для экспарту карбаміду патрэбныя балкеры лядовага класа, але іх будаўніцтва прасцей, чым танкераў-газавозаў.

Вы можаце падтрымаць сайт Charter97.org наступным чынам:

РАЗЛІКОВЫ МУЛЬТЫВАЛЮТНЫ РАХУНАК ДЛЯ АХВЯРАВАННЯЎ:

Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe

Звязацца з намі можна праз адрас [email protected]