У ЕЗ заклікалі рыхтавацца да магчымай вайны з РФ

Брусэль хоча супрацоўнічаць з украінскімі збройнікамі.

Першы камісар Еўразвязу ў абароне Андрус Кубілюс заклікае краіны стварыць мінімальныя запасы боепрыпасаў, заяўляючы, што гэта найлепшы спосаб падрыхтоўкі ваеннай прамысловасці блока да вайны.

Як піша брытанскае штодзённае выданне Financial Times, Кубілюс, які зойме гэтую пасаду ў гэтым годзе, калі Еўрапарламент ухваліць яго кандыдатуру, заявіў, што ЕЗ павінен падрыхтавацца да нападу Расеі на працягу некалькіх гадоў.

Свой план ён параўнаў з аналагічнымі пагадненнямі аб прыродным газе, у адпаведнасці з якімі краіны павінны захоўваць запасы і, у выпадку неабходнасці, дзяліцца імі з суседзямі.

Андрус Кубілюс таксама задаўся пытаннем, чаму ў краін Еўразвязусаюза няма крытэрыяў ваеннай бяспекі, згодна з якімі неабходна было б трымаць на складах пэўную колькасць артылерыйскіх набояў, пораху.

Еўракамісар таксама заявіў, што не збіраецца дубляваць ролю NATO ў пытаннях бяспекі і выказаў жаданне больш шчыльна супрацоўнічаць з украінскімі вытворцамі зброі, паколькі беспілотнікі і ракеты трансфармавалі сучаснае поле бою.

"У іх ёсць рэальны досвед", – падкрэсліў Кубілюс, кажучы аб украінскіх збройніках.

Ён таксама папярэдзіў, што нельга марнаваць час, спаслаўшыся на ацэнку Нямеччыны, згодна з якой Расея можа быць гатовая напасці на краіну-чальца ЕЗ да 2029 года.

Вы можаце падтрымаць сайт Charter97.org наступным чынам:

РАЗЛІКОВЫ МУЛЬТЫВАЛЮТНЫ РАХУНАК ДЛЯ АХВЯРАВАННЯЎ:

Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe

Звязацца з намі можна праз адрас [email protected]