У сяброў Лукашэнкі з Зімбабвэ сур'ёзныя праблемы

Праз голад там хочуць пачаць ёсці сланоў.

У зімбабвійскага рэжыму Эмерсана Мнангагвы, з якім апошнім часам шчыльна супрацоўнічае Лукашэнка, пачаліся праблемы.

Праз нястачу харчавання, выкліканага засухай, у Зімбабвэ заб'юць 200 сланоў. Улады ўжо далі адпаведнае даручэнне, перадае The Guardian.

На сланоў будуць паляваць у тым ліку ў найбуйнейшым запаведніку краіны - Хванге. Далей чыноўнікі плануюць "мабілізаваць жанчын, каб высушаць мяса, спакуюць яго і забяспечыць дастаўку ў некаторыя абшчыны, якія маюць патрэбу ў бялку".

У Зімбабвэ цяпер жыве блізу ста тысяч сланоў - "больш, чым трэба", на думку міністра навакольнага асяроддзя. З ім не згодны некаторыя экспэрты і зоаабаронцы. Яны думаюць, што ва ўладаў павінны быць больш экалагічныя метады барацьбы з засухай, і непакояцца, што пастанова аб забойстве сланоў можа адштурхнуць турыстаў з этычных меркаванняў.

"Мы ўжо паказалі, што дрэнна захоўваем прыродныя рэсурсы, а наш апетыт да незаконна нажытых багаццяў не ведае межаў, таму гэта трэба спыніць, таму што гэта неэтычна", – кажа дырэктар нацыянальнага Цэнтра кіравання прыроднымі рэсурсамі Фарай Магуву.

Вы можаце падтрымаць сайт Charter97.org наступным чынам:

РАЗЛІКОВЫ МУЛЬТЫВАЛЮТНЫ РАХУНАК ДЛЯ АХВЯРАВАННЯЎ:

Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe

Звязацца з намі можна праз адрас [email protected]