Знішчаны галоўны наратыў Лукашэнкі

Санкцыі дзейнічаюць.

На сустрэчы са сваімі прыхільнікамі ў Вільні расейскі апазіцыянер Ілля Яшын, які выйшаў на волю ў выніку маштабнага абмену, агучыў сваю версію прычын паэтапнага выхаду палітвязняў у Беларусі, піша «Салiдарнасць».

Ён згадаў нядаўнія памілаванні, калі Лукашэнка адпускаў людзей партыямі па 30 чалавек:

- Як мне растлумачылі, ён даслоўна абменьвае людзей на дэталі для самалётаў. У яго праблемы з “Белавія”, і яму трэба рамантаваць самалёты, але ён не можа атрымаць неабходныя дэталі праз санкцыі. Ён даслоўна абменьвае жывых людзей на дэталі для самалётаў.

З гэтай гісторыі, калі версія расейскага апазіцыянера дакладная, напрошваецца адразу некалькі высноў.

Самалёты "Белавія" некалькі разоў за апошнія два гады траплялі ў стужку навін у сувязі з вымушанымі пасадкамі. Апошні такі інцыдэнт адбыўся ў ліпені гэтага года, калі самалёт кампаніі, які выконваў рэйс з Менска ў Кутаісі, незапланавана прызямліўся ў Астрахані праз адмовы аднаго з рухавікоў.

Акрамя таго, у жніўні гэтага года ў санкцыйныя спісы ЗША быў унесены Boeing 767-300 з рэгістрацыйным нумарам EW-001pb. Цяпер пад амерыканскімі санкцыямі знаходзіцца ўвесь авіяпарк, які выкарыстоўвае дытатар Беларусі.

Версія выглядае спрэс абгрунтаванай і рэалістычнай. Сярод іншага, яна дае падставу паразважаць над прычынамі з'яўлення на экранах прапаганды сюжэту з удзелам Юрыя Зянковіча, які выклікаў сустрэчную заяву часовага паверанага ЗША ў Беларусі.

У гэтым свеце інтэрв'ю з палітвязнем, які з'яўляецца грамадзянінам ЗША, выглядае, як бы цынічна гэта не прагучала, перадпродажнай падрыхтоўкай. Ці не ідзе размова аб абмене змардаванага да непазнавальнасці палоннага рэжыму на борт №1?

Версія аб абмене закладнікаў рэжыму на дэталі для самалётаў знішчае адзін з галоўных наратываў прапаганды, які сцвярджае, што заходнія санкцыі не дзейнічаюць.

Відавочна, як мінімум у некаторых сферах яны вельмі нават адчувальныя, і змушаюць афіцыйны Менск ісці на непрыемныя для яго крокі.

Калі гэта пацвердзіцца, то ў прыхільнікаў ідэі ціску на рэжым з мэтай вызвалення палітвязняў з'явіцца дадатковы аргумент для абароны сваёй пазіцыі.

І нарэшце, сцвярджэнні Яшына яшчэ дэманструюць кошт слоў Лукашэнкі і ягонага атачэння. Шэрагу вызваленняў палітвязняў на афіцыйным узроўні тлумачаць у тым ліку і гуманітарнымі матывамі.

А дзяржаўнае агенцтва БЕЛТА, якое ператварылася ў аднаго з галоўных рупараў прапаганды, пашырыла гэтыя рамкі:

- Тут неабходна разумець, што пастанова аб памілаванні - гэта не толькі жэст гуманізму з боку дзяржавы. Гэта яшчэ і дэманстрацыя даверу. Прэзідэнт адкрыў крэдыт даверу тым, хто спатыкнуўся, але зразумеў памылкі і раскаяўся. Ён даў магчымасць гэтым людзям зноў стаць часткай грамадства, каб разам вызначаць лёс нашай краіны.

А што напраўду? Ніякага гуманізму, just business.

Вы можаце падтрымаць сайт Charter97.org наступным чынам:

РАЗЛІКОВЫ МУЛЬТЫВАЛЮТНЫ РАХУНАК ДЛЯ АХВЯРАВАННЯЎ:

Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe

Звязацца з намі можна праз адрас [email protected]