Ізраіль адмаўляе дачыненне да падрыву пэйджараў у Ліване

Паводле словаў прэзідэнт Ізраіля, у «Хезбалы» шмат ворагаў.

Прэзідэнт Ізраіля Іцхак Герцаг заявіў, што ягоная краіна не мае дачынення да масавага падрыву бесправадных прыладаў сувязі групоўкі «Хезбала» ў Ліване.

«Я адмаўляю якое-небудзь дачыненне да такой аперацыі. У “Хезбалы” шмат ворагаў, у гэтыя дні іх даволі шмат. “Хезбала” душыць Ліван, разбурае Ліван, стварае хаос у Ліване зноў, і зноў, і зноў. Мы тут проста для таго, каб бараніць сябе. Гэта ўсё, што мы робім», – сказаў ён у інтэрв'ю Sky News.

Ён дадаў, што войска абароны Ізраіля (ЦАХАЛ) ліквідавала 16 камандзіраў групоўкі ў выніку ўдару па Бейруце 21 верасня.

Герцаг растлумачыў, што Ізраіль не плануе ваяваць з Ліванам, нягледзячы на тое, што ягоная краіна знаходзіцца ў «небяспечнай сітуацыі» і «існуе патэнцыял рэзкай эскалацыі».

«Ізраіль не зацікаўлены ў вайне з Ліванам. Мы не хочам увязвацца ў вайну. Але Ліван захоплены тэрарыстычнай арганізацыяй, якая таксама з'яўляецца палітычнай партыяй пад назвай “Хезбала”», – падкрэсліў ён.

Вы можаце падтрымаць сайт Charter97.org наступным чынам:

РАЗЛІКОВЫ МУЛЬТЫВАЛЮТНЫ РАХУНАК ДЛЯ АХВЯРАВАННЯЎ:

Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe

Звязацца з намі можна праз адрас [email protected]