У Мюнхене стартаваў 189-ы «Актобэрфэст»

Сёлетні фестываль суправаджаецца істотным узмацненнем захадаў бяспекі.

У сталіцы Баварыі Мюнхене пачаўся фестываль «Актобэрфэст». Мэр горада Дытэр Райтэр узяў удзел ва ўрачыстай цырымоніі адкрыцця першай бочкі піва, а адпіў з першай кружкі прэм'ер-міністр Баварыі Маркус Зедэр. Пра гэта паведамляе DW.

«Зэдэр увогуле на гэты раз адышоў ад свайго ранейшага іміджу: у дадатак да адпушчанай ім нядаўна барады, ён упершыню з'явіўся на “Актобэрфэсце” ў традыцыйных баварскіх скураных шортах (Lederhosen)», – гаворыцца ў матэрыяле.

Каментуючы пытанне, чаму ён менавіта цяпер надумаў узгадаць пра традыцыйны баварскі мужчынскі ўбор, палітык падкрэсліў: «Я заўсёды хацеў іх мець, проста ніколі не выпадала магчымасці».

Фестываль сёлета суправаджаецца маштабным узмацненнем захадаў бяспекі.

Упершыню за ўсю гісторыю «Актобэрфэсту», кажуць журналісты, для праверкі на ўваходзе ўжываюць металадэтэктары.

«Згодна з цяперашнімі правіламі бяспекі, на тэрыторыю забаронена праносіць нажы, шкляныя бутэлькі і вялікія торбы. За выкананнем правапарадку на мерапрыемстве сочаць блізу 600 паліцыянтаў, а дапамагаць ім у гэтым будуць 1500 прадстаўнікоў горада і іншыя працаўнікі прадпрыемстваў грамадскага харчавання», – расказалі ў DW.

У час правядзення фестывалю паліцыя ў рэгіёне таксама ўвяла забарону на нашэнне зброі на некалькіх чыгуначных станцыях горада.

Вы можаце падтрымаць сайт Charter97.org наступным чынам:

РАЗЛІКОВЫ МУЛЬТЫВАЛЮТНЫ РАХУНАК ДЛЯ АХВЯРАВАННЯЎ:

Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe

Звязацца з намі можна праз адрас [email protected]